پاک بحریہ کا جہاز پی این ایس اصلت بحر ہند میں علاقائی میری ٹائم سیکیورٹی گشت پر تعینات

کراچی: پاک بحریہ نے ہفتے کے روز بحری جنگی جہاز پی این ایس اصلت کو بحر ہند میں علاقائی میری ٹائم سیکیورٹی گشت پر تعینات کیا۔

ہفتہ کو راولپنڈی سے جاری ہونے والے ایک بیان کے مطابق پی این ایس اصلت وقف ہیلی کاپٹروں کے ساتھ پاکستانی بندرگاہوں میں داخل ہونے اور جانے والے تجارتی جہازوں کی حفاظت کو یقینی بنائے گا۔

پی این ایس اصلت کی تعیناتی کا مقصد بین الاقوامی جہاز رانی کی حفاظت کو بھی یقینی بنانا ہے ، تعیناتی کے دوران پاک بحریہ کا جہاز اپنے آپریشنز کے علاوہ دوست اور پارٹنر ممالک کے ساتھ مشترکہ آپریشنز میں حصہ لے گا۔

پی این ایس اصلت میری ٹائم ڈپلومیسی کے اصول کے تحت علاقائی بندرگاہوں کا دورہ بھی کرے گا۔

یہ جہاز جدید ترین ہتھیاروں اور سینسرز سے لیس ہے، جو کثیر جہتی خطرات سے نمٹنے اور وسیع پیمانے پر میری ٹائم آپریشنز کرنے کی صلاحیت رکھتا ہے۔