غزہ پر اسرائیلی بمباری جاری ، مزید 46 فلسطینی شہید

غزہ پر گزشتہ 24 گھنٹوں کے دوران اسرائیلی حملوں میں مزید  46 فلسطینی شہید جبکہ 130 زخمی ہوگئے ہیں۔

اسرائیلی حملوں کے بعد جبالیا کے پناہ گزین کیمپ میں مقیم نازلہ پرائمری سکول میں بچوں سمیت 10 فلسطینی شہید ہوگئے ہیں ۔اسرائیلی افواج نے مقبوضہ مغربی کنارے پر بھی اپنے حملے جاری رکھے جس کے دوران انہوں نے متعددفلسطینیوں کو گرفتار کر لیا گیا جبکہ متعدد زخمی ہو گئے ۔ 

واضح رہے کہ  یورپی یونین کی خارجہ پالیسی کے سربراہ نے اسرائیل پر زور دیا ہے کہ وہ عالمی عدالت انصاف کے احکامات پر فوری عملدرآمد کرے۔