شاہ محمود قریشی کی گرفتاری کیلئے پولیس کی ٹیم اڈیالہ جیل پہنچ گئی

پاکستان تحریک انصاف کے وائس چیئرمین شاہ محمود قریشی کے خلاف نو مئی کے مقدمات میں گرفتاری کیلئے پولیس کیلئے پولیس کی اسپیشل ٹیم اڈیالہ جیل پہنچ گئی  ۔ 

لاہور پولیس کی اسپیشل ٹیم شاہ محمود قریشی کی حالیہ درج مقدمات میں گرفتاری کے لیے اڈیالہ جیل پہنچی۔ پولیس کی  تفتیشی ٹیم نے ملزم کو اڈیالہ سے  لاہور منتقلی کے لیے عدالت سے استدعا  کی، مگر عدالت نے سیکیورٹی خدشات کے پیش نظر لاہور منتقل کرنے کی اجازت نہیں دی۔ 

تاہم عدالت نے سینئر پارٹی رہنما کامقدمات میں تین روزہ جسمانی ریمانڈ منظور کر لیا۔ 

ذرائع کے مطابق پی ٹی آئی رہنما شاہ محمود قریشی اب مقدمات کا سامنا کرنے کے لیے انسداد دہشت گردی عدالت میں بذریعہ ویڈیو لنک پیش ہوں گے۔ 

یاد رہے کہ پاکستان تحریک انصاف کے وائس چیئرمین شاہ محمود قریشی پہلے ہی متعدد مقدمات کے باعث اڈیالہ جیل میں اسیری کا سامنا کر رہے ہیں۔