صحت کی سہولیات کو بہتر بنانے میں پنجاب حکومت بہترین کردار ادا کر رہی ہے ، مر یم نواز

وزیر اعلیٰ پنجاب مریم نواز نے کہا ہے کہ صحت کی سہولیات میں بہتری لانا حکومت کی اولین ترجیح ہے۔

تفصیلات کے مطابق اپنے ایک بیان میں انہوں نے فیلڈ ہسپتالوں اور کلینک آن وہیلز منصوبے میں پیش رفت پر اطمینان کا اظہار کیا ۔

انہوں نے شدید گرمی میں عوامی خدمت کرنے پر ڈاکٹروں اور نرسوں کی تعریف کی ، مریم نواز نے کہا کہ وہ ذاتی طور پر اس منصوبے کے تحت ہزاروں مریضوں کو فراہم کی جانے والی سہولیات کی نگرانی کر رہی ہیں۔

انہوں نے کہا کہ پسماندہ علاقوں میں صحت کی جدید سہولیات فراہم کی جا رہی ہیں۔