ملک بھر میں سونے کی قیمتوں میں بڑی کمی

عالمی اور مقامی مارکیٹوں میں سونے کی قیمتوں میں کمی کر دی گئی۔

مقامی صرافہ مارکیٹوں میں 24 قیراط کے حامل فی تولہ سونے کی قیمت میں 500 روپے کی کمی ہوئی جس کے بعد فی تولہ سونا 2 لاکھ 40 ہزار 3 سو روپے کا ہو گیا۔ اسی طرح 10 گرام سونے کی قیمتوں میں 429 روپے کمی کے ساتھ 10 گرام سونے کی قیمت 2 لاکھ 6 ہزار 18 روپے ہو گئی۔

دوسری جانب عالمی مارکیٹ میں سونے کی قیمتوں میں کمی ریکار ڈ کی گئی۔ عالمی مارکیٹ میں سونے کی فی اونس قیمت 4 ڈالر کی کمی کے بعد 2339کی سطح پر آگئی۔