حکومت نے لاپتا شاعر احمد فرہاد کی گرفتاری ظاہر کر دی گئی

اٹارنی جنرل آف پاکستان منصور عثمان اعوان نے اسلام آباد ہائی کورٹ میں شاعر احمد فرہاد کی گرفتاری ظاہر کردی۔

اسلام آباد ہائی کورٹ میں جسٹس محسن اختر کیانی لاپتا شاعر احمد فرہاد کی بازیابی کے کیس کی سماعت کی۔ کیس کی سماعت کے دوران اٹارنی جنرل نے تھانہ رپورٹ اسلام آبادہائی کورٹ میں پیش کردی۔

احمد فرہار کی اہلیہ کی جانب سے ایمان مزاری عدالت میں پیش ہوئیں جبکہ وفاقی حکومت کی جانب سے اٹارنی جنرل پیش ہوئے۔

اٹارنی جنرل نے اسلام آباد ہائی کورٹ کو آگاہ کیا کہ احمد فرہاد گرفتار اورآزاد کشمیر پولیس کی حراست میں ہیں۔اٹارنی جنرل نے رپورٹ عدالت میںجمع کروا دی۔

یاد رہے کہ 16 مئی کو آزاد کشمیر کے صحافی و شاعر فرہاد علی شاہ کو مبینہ طور پر اغوا کر لیا گیا تھا جس کا مقدمہ اسلام آباد کے تھانہ لوہی بھیر میں کیا گیا تھا۔

شاعر فرہاد علی شاہ کی زوجہ سیدہ عروج کی مدعیت میں اغوا کی دفعات کے تحت مقدمہ درج کیا گیا تھا۔

گزشتہ سماعت پر اسلام آباد ہائیکورٹ نے لاپتا شاعر احمد فرہاد کوہر صورت بازیاب کر کے پیش کرنے کا حکم دیا تھا۔