وفاقی وزیرِ داخلہ محسن نقوی کی برطانوی ہم منصب جیمز کلیورلی سے لندن میں ملاقات

وفاقی وزیرِ داخلہ محسن نقوی نے برطانوی ہم منصب جیمز کلیورلی سے لندن میں ملاقات کی ہے۔اس موقع پر برطانیہ اور پاکستان کی حکومتوں کے درمیان لیٹر آف انٹینٹ پر دستخط ہوئے۔

اس اقدام سے پاکستان اور برطانیہ میں قانون نافذ کرنے والے اداروں اور فوجداری انصاف کے امور پر اشتراک کیا جا سکے گا۔ غیر قانونی نقل مکانی اور منظم امیگریشن کے جرائم سے نمٹنے میں بھی مدد ملے گی ، منشیات کی روک تھام،منظم امیگریشن اور،سنگین جرائم کی تحقیقات میں باہمی تعاون ممکن ہوسکے گا۔

تمام نکات پر عمل درآمد مشترکہ سٹیئرنگ کمیٹی کرے گی جس میں وزارت داخلہ، نیشنل پولیس بیورو، برطانوی ہائی کمیشن اور پروگرام ٹیم کے نمائندے شامل ہوں گے۔

جرائم کی روک تھام کے لیے پیشگی منصوبہ بندی، بین الاقوامی مجرمانہ سزا کے ڈیٹا اور تجزیات کے تبادلے میں تعاون کیا جا سکے گا۔

وزیر داخلہ محسن نقوی کی برطانوی ہم منصب سے ملاقات میں دوطرفہ تعلقات کے فروغ سمیت دیگر متعلقہ امور پر تبادلہ خیال کیا گیا۔