یو این او کا اسرائیل کے خلاف کارروائی کا مطالبہ

اقوام متحدہ کے ماہرین نے غزہ میں رفاہ شہر پر مسلسل حملوں کے باعث اسرائیل کے خلاف فیصلہ کن عالمی کارروائی کا مطالبہ کیا ہے۔

عالمی ادارے کے پچاس سے زائد ماہرین نے خیمہ بستی پر وحشیانہ حملوں کو عالمی قوانین کی صریحاً خلاف ورزی قرار دیتے ہوئے ان کی شدید الفاظ میں مذمت کی ہے۔ماہرین نے کہا کہ شہریوں پر ایسے ظالمانہ حملے سراسر جنگی قوانین کے خلاف ہیں،انہوں نے فلسطین میں اسرائیلی جنگ کو بند کرانے میں ناکامی پر عالمی برادری کو تنقید کا نشانہ بھی بنایا ۔

 سپین نے فلسطینی ریاست کو تسلیم کرنے پر بیت المقدس میں ہسپانوی قونصل خانے کی سرگرمیوں پر پابندیاں عائد کرنے کے اسرائیلی منصوبے کو یکسرمسترد کر دیا ہے۔ہسپانوی وزیر خارجہ ہوزے مینول  نے کہا ہے کہ یہ کارروائی عالمی قانون کے خلاف ہے۔