آگ برساتا سورج اور جھلسا دینے والی گرمی کیساتھ لوڈشیڈنگ دوہری اذیت بن گئی

ملک بھر میں جھلسا دینے والی گرمی، آگ برساتا سورج اور لوکے تھپیڑے کے ساتھ لوڈشیڈنگ دوہری اذیت بن گئی ہے۔

مختلف شہروں میں بجلی کی لوڈشیڈنگ کا دورانیہ 16گھنٹے ہو گیا،سخت گرمی میں لوڈشیڈنگ کا سلسلہ جاری ہے۔دن ہو یا رات بجلی کی غیراعلانیہ اور طویل لوڈشیڈنگ سے بچے، بزرگ، نوجوان اور خواتین سب ہی پریشان ہیں۔

سر جانی نیوکراچی ،ناظم آباد ،گل بہار، گولی ماراور اطراف کے علاقوں میں14گھنٹے کی غیراعلانیاں لوڈشیڈنگ کا ہونامعمول بن گیا ۔ شہریوں کا کہنا ہے کہ حکومت اس غیر اعلانیہ اور لمبے وقت کی لوڈشیڈنگ کا نوٹس لے۔مئی اور جون گرم ترین مہینے لیکن اس میں لوڈشیڈنگ کا دورانیہ بھی بڑھا دیا جاتا ہے۔

دوسری جانب لاہورمیں بھی لوڈشیڈنگ کے ساتھ تکنیکی خرابیوں کا بھی سامنا ہے ، اس غیراعلانیہ لوڈشیڈنگ کے باوجود بھاری بلوں پر عوام  کا پارہ بھی ہائی ہو گیا۔

الیکٹرک سپلائی کمپنیوں کا کہنا ہے کہ جہاں بجلی کی چوری ہے یا بلوں کی ادائیگی نہیں وہاں لوڈ شیڈنگ کی جارہی ہے۔