نائب وزیراعظم و وزیر خارجہ اسحاق ڈار نے کہا ہے کہ برطانوی حکومت سے پاکستان انٹرنیشنل ایئرلائن (پی آئی اے) کی بحالی کا معاملہ اٹھایا ہے، پروازوں کی بندش سے کمیونٹی کی پریشانی سے آگاہ ہوں، جلد بحالی متوقع ہے۔

انہوں نے پریس کانفرنس کے دوران کہا کہ برطانیہ میں نئی لیبر حکومت کے بعد یہاں کا دورہ انتہائی ضروری تھا اور یہ دورہ انتہائی مصروف اور اہمیت کا حامل تھا۔

نائب وزیراعظم و وزیر خارجہ اسحاق ڈار نے کہا کہ برطانیہ کے ساتھ پاکستان کے تعلقات نہایت اہمیت کے حامل ہیں، برطانیہ میں 17 لاکھ پاکستانی مقیم ہیں۔

انہوں نے کہا کہ دورے کے دوران برطانوی نائب وزیراعظم اور دیگر رہنماؤں سے مفید ملاقاتیں ہوئیں جس میں پی آئی اے کی بحالی کا معاملہ اٹھایا، اپنی برطانوی ہم منصب سے کہا کہ یہ پاکستانیوں کا اہم مسئلہ ہے۔

نائب وزیراعظم نے کہا کہ بدقسمتی سے پچھلی حکومت کے وزیر نے پی آئی اے سے متعلق اتنہائی غیر زمہ دارانہ بیان دیا جس سے صورتحال خراب ہوئی، پروازوں کی بحالی کے معاملے پر یورپی یونین سے بھی گفتگو جاری ہے۔

اسحاق  ڈار نے کہا کہ جب میں برطانیہ کے لیے سفر کررہا تھا توسفر کے  دوران ہی بھی بہت سے پاکستانی جہاز میں ساتھ بیٹھے تھے تو انہوں نے مجھ سے پی آئی اے کی بحالی کا معاملہ اٹھایا ، انہوں نے کہا کہ پروازوں کی بحالی کے لیے تمام تر اقدامات کیے جارہے ہیں، پہلے مرحلے میں اسلام آباد ایئرپورٹ کی آؤٹ سورسنگ کی جارہی ہے جب کہ ہوابازی کے شعبے کی ترقی کے لیے ترجیحی بنیادوں پر کوششیں جاری ہیں، ہوابازی کے شعبے میں عالمی معایرات کی پاسداری کے لیے پرعزم ہیں۔

ان کا کہنا تھا کہ پی آئی اے کی پورپ میں پروزوں کی بحالی کے لیے یورپی ممالک اور برطانیہ سے الگ الگ مذاکرات کررہے ہیں، پروازوں کی بندش سے کمیونٹی کی پریشانی سے آگاہ ہوں، جلد بحالی متوقع ہے۔

واضح رہے کہ یکم جولائی 2020 کو یورپین یونین ایئر سیفٹی ایجنسی (ایاسا) نے پاکستان انٹرنیشنل ایئر لائنز (پی آئی اے) کے یورپی ممالک کے فضائی آپریشن کے اجازت نامے کو 6 ماہ کے لیے عارضی طور پر معطل کردیا تھا۔

 ترک نژاد امریکی خاتون کو جمعہ کے روز مقبوضہ مغربی کنارے پر  اسرائیلی بستیوں کے خلاف مظاہرہ کرتے ہوئے گولی مار کر ہلاک کر دیا گیا۔ 

تفصیلات کے مطابق فوج نے فائرنگ کا اعتراف کیا۔

ترکی نے خاتون کی شناخت Aysenur Ezgi Eygi کے نام سے کی، ترکی نے بھی اس خاتون کی موت کی مذمت بھی کی، جب کہ امریکہ نے اسے "افسوسناک" واقعہ قرار دیا اور اپنے اتحادی اسرائیل پر تحقیقات کے لیے دباؤ ڈالا۔

اسلام آباد : ملک بھر میں انٹرنیٹ سروسز میں بار بار ہونے والی خرابیوں سے عوام کو شدید مشکلات کا سامنا ہے۔ تاہم حکومت نے اس مسئلے کے حل کے لیے ایک اہم قدم اٹھاتے ہوئے انٹرنیٹ سروسز  میں خلل کو ٹھیک کرنے کی تاریخ دے دی۔

قومی اسمبلی میں وزارت انفارمیشن اینڈ  ٹیکنالوجی کی جانب سے پیش کی گئی ایک تحریری رپورٹ کے مطابق گزشتہ سالوں سے انٹرنیٹ سروسز میں بار بار خرابیاں آ رہی ہیں۔ فروری 2021 سے اب تک وزارت نے اس حوالے سے متعدد مرتبہ پارلیمنٹ کو آگاہ کیا ہے۔

رپورٹ میں بتایا گیا ہے کہ حالیہ دنوں میں 31 جولائی کو پی ٹی سی ایل کے سسٹم میں خرابی پیدا ہوئی تھی جسے چند گھنٹوں میں درست کر لیا گیا تھا۔ تاہم 17 جون کو ایس ای اے ایم ای ڈبلیو ای 4 میں زیر سمندر کیبل میں کٹاؤ کے باعث 1500 جی بی پی زیڈ کی کمی ہوئی تھی جس سے انٹرنیٹ سروسز متاثر ہوئیں۔

وزارت انفارمیشن  اینڈ ٹیکنالوجی نے یقین دلایا ہے کہ انٹرنیٹ سروسز میں بار بار ہونے والی خرابیوں کا مسئلہ 24 ستمبر تک مکمل طور پر حل کر لیا جائے گا۔ وزارت کا کہنا ہے کہ فروری 2024، اپریل 2023، نومبر 2022 اور فروری 2022 میں آنے والی خرابیوں کو چند گھنٹوں کے اندر درست کر لیا گیا تھا۔