جسٹس بابر ستارکے خلاف سوشل میڈیا مہم کیس کل سماعت کے لیے مقرر

اسلام آباد ہائیکورٹ نے جسٹس بابر ستار کا فیملی ڈیٹا لیک کرنے اور سوشل میڈیا مہم کیخلاف توہین عدالت کیس کل 3 جون کو سماعت کے لیے مقرر کر دیا۔

جسٹس محسن اختر کیانی کی سربراہی میں لارجر بینچ کل سماعت کرے گا ، جسٹس طارق محمود جہانگیری اور جسٹس سردار اعجاز اسحاق خان بھی بینچ میں شامل ہیں۔

واضح رہے کہ 23 مئی کو لارجر بینچ کی عدم دستیابی کی وجہ سے کیس کی سماعت نہیں ہو سکی تھی ، عدالت نے ایف آئی اے، پی ٹی اے اور آئی بی سے رپورٹس طلب کر رکھی ہیں۔