سعودی عرب کی اقاموں اور خروج وعودہ کے ویزوں میں ایک بار پھر توسیع

غیر ملکی خبر رساں ادارے کے مطابق  یہ توسیع خادم حرمین شریفین شاہ سلمان بن عبدالعزیز کی ہدایت پر کی گئی ہے جبکہ   یہ توسیع خود کار نظام کے تحت 31 جولائی 2021 تک کسی فیس یا چارجز کے بغیر ہوگی ۔

وزیر خزانہ نے توسیع کے شاہی فرمان پر عملدرآمد کی ہدایت جاری  کردی ہیں۔

محکمہ پاسپورٹ کے مطابق " اقاموں اور ویزوں میں توسیع نیشنل انفارمیشن سینٹر کے تعاون سے خود کار نظام کے تحت ہوگی اس کیلئے کسی کو دفاتر نہیں آنا پڑے گا۔"

محکمہ پاسپورٹ  نے کہا ہے کہ " بیرون مملکت موجود ان اقامہ ہولڈرز کے اقاموں، خروج و عودہ ویزوں اور وزٹ ویزے میں توسیع ہوگی جہاں سے آمد پر کورونا وائرس پھیلنے سے روکنے کیلئے پابندی لگی ہوئی ہے اور یہ توسیع 31 جولائی 2021 تک ہوگی۔"

خیال رہے کہ  اس سے قبل پابندی والے ممالک میں مقیم  افراد کے اقاموں، وزٹ ویزوں اور خروج وعودہ میں دو جون 2021 تک توسیع کی گئی تھی۔