یورپی الیکشنز میں شکست، فرانسیسی صدر نے پارلیمنٹ تحلیل کر دی

یورپی انتخابات میں شکست کے بعد فرانسیسی صدر عمانویل میکروں نے پارلیمنٹ تحلیل کرنے اور نئے قانون ساز اںنتخابات کے انعقاد کا اعلان کر دیا۔

فرانسیسی صدر عمانویل میکروں نے گفتگو کرتے ہوئے ایوان زیریں کے انتخابات 30 جون کو کرانے کا اعلان کیا  جبکہ دوسرا راؤنڈ 7 جولائی کو ہوگا۔

انہوں نے کہا کہ میں نے ووٹ کے ذریعے پارلیمانی مستقبل کا انتخاب آپ کے پاس واپس کرنے کا فیصلہ کیا ہے اس لئے اسمبلی تحلیل کر دی۔

یورپی الیکشنز میں انتہائی دائیں بازو کی جماعت نیشنل ریلی پارٹی کو بڑی کامیابی ملی ہے، فرانس کے صدر نے کہا کہ یورپی پارلیمنٹ الیکشن کے نتائج نظرانداز نہیں کیے جاسکتے۔

صدر میکرون نے کہا کہ یورپ میں دائیں بازو کی جماعتوں کا اثر بڑھ رہا ہے جسے وہ بیٹھ کر نہیں دیکھ سکتے، ہم آہنگی سے آگے بڑھنے کیلئے فرانس کو واضح اکثریت چاہیے۔

واضح رہے کہ فرانسیسی انتہائی دائیں بازو کے یورپی انتخابات میں صدارتی اکثریتی کیمپ پر بڑے مارجن سے کامیابی حاصل کی ہے۔

ایگزٹ پولز کے مطابق یورپی پارلیمنٹ کے انتخابات میں نیشنل ریلی پارٹی نے 32 فیصد ووٹ حاصل کیے ہیں جو میکرون کی جماعت کو حاصل 15 فیصد ووٹوں سے دو گنا سے بھی زیادہ ہیں جبکہ سوشلسٹس کو 14 فیصد ووٹ ملے۔