پاکستانی روپے کی قدر میں مزید کمی

کراچی: امریکی ڈالر کے مقابلے پاکستانی روپے کی قدر میں کمی، پیر کو انٹربینک مارکیٹ میں 0.06 فیصد کمی ہوئی۔

اسٹیٹ بینک آف پاکستان (SBP) نے کہا کہ مقامی یونٹ گرین بیک کے مقابلے میں 0.17 روپے گرنے کے بعد 278.37 پربند  ہوا۔

فاریکس ایسوسی ایشن آف پاکستان (FAP) کے مطابق اوپن مارکیٹ میں ڈالر کی خرید و فروخت کے نرخ بالترتیب 277.75 روپے اور 280.5 روپے تھے۔

اسٹیٹ بینک آف پاکستان (SBP) کے مطابق یورو کی قیمت گزشتہ روز 302.95 روپے کے بند ہونے کے مقابلے میں 3.43 روپے کم ہو کر 299.52 روپے پر بند ہوئی۔

جاپانی ین 01 پیسے کی کمی سے 1.77 روپے پر بند ہوا، جبکہ برطانوی پاؤنڈ کی شرح تبادلہ میں 2 روپے کی کمی دیکھی گئی، جو گزشتہ روز کے 356.04 روپے کے بند ہونے کے مقابلے میں 354.04 روپے پر ٹریڈ ہوا۔

 درہم اور سعودی ریال کی شرح تبادلہ 04 پیسے اور 05 پیسے اضافے سے 75.78 روپے اور 74.22 روپے پر بند ہوئی۔