وفاقی بجٹ میں آئی ٹی برآمدات بڑھانے کی تجویز

آئندہ مالی سال 2024-25 کے وفاقی بجٹ میں آئی ٹی برآمدات کو بڑھانے کی تجویز شامل ہے۔ حکومت نے وفاقی بجٹ میں آئی ٹی بر آمدات بڑھانے کے لیے اقدامات شامل کیے ہیں۔

ذرائع کے مطابق آئندہ سال آئی ٹی شعبے کی برآمدات کو 5 ارب ڈالرز تک بڑھانےکا پلان ہے، آئی ٹی کے شعبے میں نیا کاروبار شروع کرنے والوں کے لیےخصوصی مراعات کی تجویز ہے۔

ذرائع نے بتایا کہ آئی ٹی کے ذریعے کاروبار اور تجارت کے فروغ پر خصوصی رعایت کی تجویز ہے اور نوجوانوں کو اپنا کاروبار شروع کرنے کی حوصلہ افزائی کے لیے اقدامات شامل ہیں۔

ذرائع کے مطابق نوجوانوں کو ہنرمند بنانے کے پروگرام میں توسیع کے اقدامات شامل کیے گئے ہیں، جبکہ نوجوانوں کی آئی ٹی کے شعبے میں پیشہ ورانہ تربیت کے لیے فنڈز رکھنے کی تجویز ہے۔

اسی طرح وزیراعظم اقدامات کے تحت آئی ٹی اسٹارٹ اپس کے لیے فنڈز رکھنے کے ساتھ ٹیکنالوجی اور آئی ٹی پارک کے لیے فنڈ مختص کیے جائیں گے، مزید بتایا کہ بجٹ میں ڈیجٹیل اکانومی منصوبے کے لیے فنڈز رکھنے کی تجویز ہے۔