امریکا کی روس کو آئی ٹی سروسز دینے پر پابندی

امریکا نے روس میں  کسی بھی شخص کو سوفٹ وئیر اور آئی ٹی سروسز دینے پر پابندی لگا دی، امریکی پابندیوں کے نتیجے میں یوکرین جنگ میں شریک روسی فوج سے جڑے غیرملکی مالیاتی ادارے بھی زد میں آئیں گے

میڈیا رپورٹس کے مطابق امریکا نے روس پر پابندیوں کا دائرہ بڑھاتے ہوئے روس کو سیمی کنڈکٹرز بیچنے والی چین میں قائم کمپنیوں پر بھی پابندی عائد کردی جب کہ سائنٹیفک، دفاعی، مالیاتی اور انرجی کے شعبے بھی پابندیوں کی زد میں آگئے ہیں۔

میڈیا رپورٹس میں بتایا جارہا ہے کہ  نہ صرف روس بلکہ ایشیا، یورپ اور افریقا میں 300 سے زائد افراد اور ادارے ہدف بنائے گئے ہیں۔

ادھر روس کے امریکی اشیاء بیچنے پر بھی پابندی لگائی جائے گی جب کہ روس کے مالیاتی اداروں سے لین دین کرنے والے غیرملکی بینکوں کو بھی وارننگ دی جائے گی۔