مکہ مکرمہ میں پاکستانی عازمین حج کے قافلوں کا منیٰ کی طرف سفر شروع

مکہ مکرمہ میں پاکستانی عازمین حج کے قافلوں نے منیٰ کی طرف سفر شروع کر دیا ہے۔

مکہ مکرمہ میں ریڈیو پاکستان کے نمائندے بلال خان محسود نے بتایا کہ مکہ مکرمہ میں پاکستان حج مشن کے حکام عازمین کو اُن کی منزل کی طرف رخصت کر رہے ہیں۔

عازمین منیٰ پہنچنے کیلئے بسوں اور ٹرینوں کا استعمال کر رہے ہیں اور ان میں سے زیادہ تر پیدل روانہ ہو رہے ہیں۔عازمین کی منی روانگی کا عمل جمعہ آٹھ ذوالحجہ کو بھی جاری رہے گا اس کے ساتھ ہی حج 1445 ہجری کے مناسک کی ادائیگی کا پہلا مرحلہ باقاعدہ طور پر شروع ہو جائے گا۔