ٹی ٹوئنٹی ورلڈکپ ،مسلسل بارش سے امریکہ اور آئرلینڈ کے درمیان میچ متاثر ہونے کا خدشہ

آئی سی سی مینز ٹی ٹوئنٹی ورلڈکپ میں آج آئرلینڈ اور امریکا کے درمیان گروپ اے کا اہم میچ کھیلا جائےگا جو کہ گرین شرٹس کے ایونٹ میں مستقبل کا فیصلہ کرے گا۔

فورٹ لاوڈرہل میں صبح سویرے شدید بارش کا سلسلہ جاری ہے۔ مسلسل بارش سے امریکہ اور آئرلینڈ کے درمیان میچ متاثر ہونے کا خدشہ ہے،محکمہ موسمیات نے آج دن بھر گرج چمک کے ساتھ تیز بارش کی پیشگوئی کررکھی ہے۔

مسلسل بارش ہوتی رہی تو امریکہ اور آئرلینڈ کے میچ کا ٹاس ہونا بھی ممکن نظر نہیں آرہا،دونوں ٹیمیں تاحال ہوٹل میں موجود ہیں۔

بارش سے میچ متاثر ہوا تو پاکستان ٹیم ٹی ٹوئنٹی ورلڈ کپ سے باہر ہوجائیگی،میچ بغیر نتیجہ رہنے کی صورت میں امریکہ مزید 1 پوائنٹ حاصل کرکے سپر ایٹ رائونڈ میں کوالیفائی کرجائیگا۔

گروپ اے سے بھارت کی ٹیم پہلے ہی سپر ایٹ رائونڈ کیلئے کوالیفائی کرچکی ہے،پاکستان اور آئرلینڈ کے درمیان 16 جون کو آخری میچ کسی اہمیت کا حامل نہیں رہے گا۔