مذاکرات کا وقت چلا گیا ہے مسئلے حل نہیں ہورہے، شیخ رشید

عوامی مسلم لیگ کے سربراہ شیخ رشید احمد کا کہنا ہے کہ مذاکرات کا وقت چلا گیا ہے مسئلے حل نہیں ہورہے، ادارے تمام لوگوں کو ایک جگہ بٹھائیں۔

راولپنڈی میں نماز عید کے بعد میڈیا سے گفتگو کرتے ہوئے شیخ رشید نے کہا کہ غزہ، فلسطین، کشمیر سمیت تمام قوم کو عید مبارک کہتا ہوں، قربانی کی تعداد بہت کم ہوچکی ہے۔

راولپنڈی :سابق وفاقی وزیر داخلہ شیخ رشید احمد لیاقت باغ میں عیدالضحی کی نماز ادا کرنے کے بعد میڈیا سے گفتگو کرتے ہوئے pic.twitter.com/8SY8KJQFSE

— Sheikh Rashid Ahmed (@ShkhRasheed) June 17, 2024

شیخ رشید نے کہا کہ ملک کے حالات سب کے سامنے ہیں، کھربوں کے ٹیکس لگا دئے گئے ہیں، لوگ بجلی کے بل اور اسکولوں کی فیس نہیں دے سکتے، انہوں نے 24 کروڑ عوام کو ننگی بجلی کی تار پر لٹکا دیا ہے، عوام سے جینے کا حق چھینا جا رہا ہے۔

انہوں نے کہا کہ شہباز شریف نے صنعت کاروں کو سہولت دی لیکن غریب کو بجلی کے بلوں میں کوئی چھوٹ نہیں ہے۔ یہ لوگ کہتے ہیں کہ ہم نے ریاست کو بچایا لیکن اصل میں انہی لوگوں کی وجہ سے ریاست تباہ ہوئی۔  تمہاری وجہ سے ملک کھڈے میں چلا گیا ہے، ملک عوام سے ہوتا ہے کسی ایک سے نہیں۔

انہوں نے عمران خان کو عید کی مبارکباد دیتے ہوئے کہا کہ بانی چیئرمین ہے تو یہ پی ٹی آئی ہے، ایک فرد ہی جماعت ہے۔ اس حکومت پر اللہ کی پھٹکار پڑی ہوئی ہے، مذاکرات کا وقت چلا گیا ہے مسئلے حل نہیں ہورہے۔

شیخ رشید نے کہا کہ تیس اگست تک سیاست سے دور ہوں، میرے سیاسی تجزیہ کے مطابق ان کو وزیراعظم چاپلوسی کرنے والا چاہیے، نواز شریف کے پلے نہیں دھیلا کردی میلہ میلہ، ادارے تمام لوگوں کو ایک جگہ بٹھائیں۔

شیخ رشید نے کہا کہ 25 ارب سعودی ارب سے آرہے ہیں، چین نے مجھے کہا کہ سب خلاس، چین کے صدر نے روزہ رسول ﷺ پر دعا کی، وہ کعبہ شریف گیا ہے ہماری حکومت سے اچھا ہے، عوام نماز میں ان چوروں سے چھٹکارے کی دعا کرے۔