فرانسیسی صدر کو تھپڑ مارنے والے ملزم کو قید کی سزا

غیر ملکی خبر رساں ادارے کے مطابق  فرانسیسی صدر کو تھپڑ مارنے والے ملزم کا تیز ترین ٹرائل کیا گیا ،فرانسیسی صدر کو تھپڑ رسید کرنے والے بیروزگار کو مجموعی طور پر 18 ماہ قید کی سزا سنائی گئ ہے۔

ملزم کو عوامی شخصیت کو تھپڑ مارنے لے الزامات عائد کر کے جنوب مشرقی شہر ویلنس کی عدالت میں پیش کیا گیا جہاں آج ‏عدالت نے ملزم کو الزامات ثابت ہونے پر 4 ماہ قید کی سزا سنا دی۔

عدالت نے ملزم کو 14 ماہ کی معطل سزا، کسی بھی سرکاری ادارے ‏کو چلانے اور 5 سال تک ہتھیار رکھنے پر پابندی کا بھی فیصلہ سنایا۔

ملزم کا کہنا ہے کہ صدر میکرون  پر انڈا پھینکنے کا سوچا تھا لیکن تھپڑ مارنے کی منصوبہ بندی نہیں کی تھی۔

چند دن قبل  فرانسیسی صدر ایمونیول میکرون  کو جنوب مشرقی شہر ڈروم  کے دورے  پر تھے ، جہاں انہوں نے ہوٹل  مالکین  اور طلباء سے ملاقات کی جس میں بتایا گیا کہ کوویڈ 19 کی وبا کے بعد زندگی کس طرح معمول پر آرہی ہے۔

سوشل میڈیا پر منظر عام پر آنے والی ایک ویڈیو میں ایک شخص جس نے سبز رنگ کی شرٹ پہنی ہوئی ہے اور  عینک لگا رکھی ہے۔ اس  شخص نے چہرے پر  نقاب  بھی کیا ہوا ہے ، "ڈاون ود میکرونیا" کے نعرے لگائے اور پھر صدر کو تھپڑ مار دیاتھا۔