گلوکار ملکو کا اپنا نام پی این آئی ایل سے نکلوانے کے لیےعدالت سے رجوع

گلوکار محمد اشرف عرف ملکو نے اپنا نام  پروفیشنل نیشنل آئیڈنٹی فکیشن لسٹ (پی این آئی ایل) سے نکلوانے کے لیے لاہور ہائی کورٹ میں درخواست دائر کردی۔

تفصیلات کے مطابق ملکو کی جانب سے اظہر صدیق ایڈووکیٹ کی ثالثی سے درخواست دائر کی گئی، لاہور ہائی کورٹ میں دائر درخواست میں وفاقی حکومت سمیت دیگر کو فریق بنایا گیا ہے۔ درخواست گزار کا موقف ہے کہ ان کا نام مارچ 2024 کو پی این آئی لسٹ میں ڈالا گیا جبکہ ان کے خلاف کوئی مقدمہ درج نہیں ہے۔

درخواست کے مطابق گلوکار ملکو کو میوزک کنسرٹ کے لیے برطانیہ جانا تھا۔ ان کا نام غیر قانونی طور پر پی این آئی ایل لسٹ میں شامل کیا گیا۔ ملکو نے استدعا کی کہ عدالت ان کا نام پی این آئی ایل لسٹ سے نکالنے کا حکم دے۔