بلوچستان کے آئندہ مالی سال کے بجٹ میں 3 ہزار نئی سرکاری آسامیوں کا اعلان

بلوچستان کے وزیر خزانہ شعیب نو شیروانی نے بجٹ میں 3 ہزار نئی سرکاری آسامیوں کا اعلان کر دیا۔

بجٹ تقریر کرتے ہوئے وزیر خزانہ بلوچستان نے بتایا کہ تعلیم کے شعبے کےلئے 9 اعشایہ 146 ارب روپے مختص کئے گئے ہیں۔ صوبے میں تعلیم کا کل بجٹ 12 فیصد سے زائد مختص کیا گیا ہے۔ جس میں 535 نئی آسامیاں تخلیق کی جائیں گی۔

صوبے کی 11 جامعات کے مالی بحران کے حل کےلئے چارارب 80کروڑ روپے رکھے گئے ہیں۔

وزیرخزانہ کا کہنا تھا کہ امن وامان کے لئے 84 ارب روپے رکھے گئے ہیں، صوبے میں زراعت کی ترقی کےلئے بجٹ میں 16 ارب روپے اور 147 اسکیم رکھی گئی ہیں۔ لاء اینڈ آرڈر کیلئے 93ارب روپےمختص کیےہیں، گمبٹ اسپتال کی طرز پر بلوچستان میں ہسپتال بنائیں گے۔

انھوں نے بتایا کہ مواصلات کے لئے 51 ارب روپے مختص کئے گئے ہیں۔ بجٹ میں وفاقی محصولات سے 726ارب روپے کی منتقلی ممکن ہوگی۔

براہ راست منتقلی اور غیرترقیاتی گرانٹس کی مد میں 667 ارب روپے محصولات وصول ہوں گے۔ صوبے کی اپنی ٹیکس آمدن کا تخمینہ 47 ارب روپے لگا گیا ہے۔