دنیا
امریکی کانگریس کا پاکستانی انتخابات کو آزادانہ اورمنصفانہ تسلیم کرنے سےانکار
8 فروری کے الیکشن کی مکمل اور آزادانہ تحقیقات کا مطالبہ
امریکی کانگریس نے پاکستانی انتخابات کو آزادانہ اورمنصفانہ تسلیم کرنے سےانکارکرتے ہوئے 8 فروری کے الیکشن کی مکمل اور آزادانہ تحقیقات کا مطالبہ کردیا۔ امریکی ایوان نمائندگان میں قرار داد منظور، حق میں تین سو اڑسٹھ اور مخالفت میں سات ووٹ ڈالے گئے۔
کانگریس رکن ڈیوڈ ولاڈاؤ نے قرار داد کی منظوری کا اعلان کرتے ہوئے کہا کہ ایوان نمائندگان کی قرارداد نمبر 901 میں پاکستان میں جمہوریت اور انسانی حقوق کے لیے حمایت کا اظہار کرنے کے لیے ارکان نے ووٹ دیا۔
قرارداد میں پاکستان میں الیکشن میں سیاسی ارکان کو ہراساں کرنے، دھمکیاں دینے تشدد اور غیر جمہوری رویوں کی بھی مذمت کی گئی۔ قرارداد کے ذریعے امریکی قانون سازوں نے پاکستان کے جمہوری عمل میں پاکستانی عوام کی شرکت کی ضرورت پر زور دیا۔
جنوبی ایشیاء انسٹی ٹیوٹ کے ڈائریکٹر مائیکل کُگلمین نے کہا کہ ایوان نمائندگان کے کم از کم 85 فیصد ارکان نے قرارداد کے حق میں ووٹ دیا ہے۔ حقیقت میں میرے لیے جو چیز نمایاں ہے وہ ووٹ کا مارجن اور ووٹ دینے والے اراکین کی تعداد ہے۔ امریکی اسکالر نے مزید کہا کہ قرارداد کا پاکستان سے متعلق امریکی پالیسی پر زیادہ اثر نہیں پڑے گا۔
پاکستان
گوادر : نا معلو م افراد نے فشریز ڈیپارٹمنٹ کی تحویل میں لیے گئے ٹرالروں کو آگ لگا دی
تحویل میں لیےگئے ٹرالروں کی نیلامی کی جاتی، نا معلوم افراد نے رات کی تاریکی میں حملہ کیا اور فشریز سیکیورٹی گارڈ کو یرغمال بنا لیا
گوادر : گوادر کے علاقے پسنی حور میں نامعلوم افراد نے فشریز ڈیپارٹمنٹ کی تحویل میں لیے گئے ٹرالروں کو آگ لگا دی۔
ذرائع کے مطابق گوادر میں فشریز ڈیپارٹمنٹ نے دو ٹرالروں کو غیر قانونی شکار کرنے کی پاداش میں رنگے ہاتھوں پکڑ کر تحویل میں لیا تھا۔ بعد ازاں عدالتی حکم پر دونوں ٹرالروں کی نیلامی کی جانی تھی۔
اس سے پہلے کہ تحویل میں لیےگئے ٹرالروں کی نیلامی کی جاتی، نا معلوم افراد نے رات کی تاریکی میں حملہ کیا اور فشریز سیکیورٹی گارڈ کو یرغمال بنا لیا۔
نامعلوم افراد نے حملے کے دوران تحویل میں لیے گئے دونوں ٹرالروں کو آگ لگا دی۔
اسسٹنٹ ڈائریکٹر فشریز ڈیپارٹمنٹ کے مطابق بروقت کارروائی سے آگ پر قابو پا لیا گیا۔ آگ نے ایک ٹرالر کو مکمل، جبکہ دوسرے ٹرالر کو جزوی طور پر نقصان پہنچایا۔
مطلقہ محکمے نے شواہد اکھٹے کر کے نامعلوم افراد کے خلاف کارروائی کا آغاز کر دیا۔
پاکستان
خیبر پختونخواہ پولیس کی کرپشن بے نقاب کرنے پر نامور صحافی پر بے ہیمانہ تشدد
صحافی میاں عمران ارشد اپنی ٹیم کے ہمراہ خیبر پختونخواہ گئے، جہاں پولیس تھانہ میں بجلی چوری کو رنگے ہاتھوں پکڑ لیا
خیبر پختونخواہ: خیبر پختونخواہ کے ضلع بونیر کے تھانہ کی پولیس نے اپنی کرپشن بے نقاب کرنے کے جرم میں نجی چینل کے صحافی پر بے ہیمانہ تشدد کر کے لہو لہان کر دیا۔
تفصیلات کے مطابق نجی چینل کے صحافی میاں عمران ارشد اپنی ٹیم کے ہمراہ خیبر پختونخواہ گئے، جہاں پولیس تھانہ میں بجلی چوری کو رنگے ہاتھوں پکڑ لیا۔
کرپشن افشاء ہونے پر پولیس نےصحافی عمران ارشد اور ان کی میڈیا ٹیم پر دھاوا بول دیا، جس کے نتیجے میں وہ شدید زخمی ہو گئے۔
صحافی میاں عمران ارشد نے ویڈیو پیغام جاری کرتے ہوئے کہا کہ یہی وہ لوگ ہیں جن کی وجہ سے عمران خان آج جیل میں ہیں۔ ایسے لوگوں نے اپنی ناقص کارکردگی دکھا کر عمران خان کے ہاتھ پاؤں کاٹ دیے۔
انہوں نے مزید کہا کہ ہمارے ساتھ جو ہوا وہ کیمرے میں آگیا، ورنہ حقیقت یہ ہے کہ یہ سب عوام کے ساتھ روز ہوتا ہے۔
صحافی عمران ارشد نے فروری 2024 کے الیکشنز سے قبل لاہور میں جعلی بیلٹ پیپر کی چھپائی کو بے نقاب کیا تھا۔ اس انکشاف کا براہ راست فائدہ سیاسی جماعت پی ٹی آئی کو ہوا تھا۔
کھیل
ویرات کوہلی کا ٹی ٹوئنٹی کرکٹ سے ریٹا ئرمنٹ کا اعلان
ٹی ٹوئنٹی ورلڈ کپ 2024 کا ٹا ئٹل اپنے نام کرنے کے بعد ویرات کوہلی نے پریس کانفرنس کے ذریعے ریٹا ئرمنٹ کا اعلان کردیا
معروف بھارتی بلے باز ویرات کوہلی نے ٹی ٹوئنٹی سے ریٹائرمنٹ کا اعلان کردیا ۔
ٹی ٹوئنٹی ورلڈ کپ 2024 کا ٹا ئٹل اپنے نام کرنے کے بعد ویرات کوہلی نے پریس کانفرنس کے ذریعے ریٹا ئرمنٹ کا اعلان کردیا ۔
انہوں نے کہا کہ یہ میرا آخری ٹی ٹوئنٹی ورلڈ کپ تھا اور آج میں نے اس کا آخری میچ کھیلا ہے ۔
-
دنیا ایک دن پہلے
ساؤتھ امریکی ملک پیرو میں 7.2 شدت کا زلزلہ
-
پاکستان 2 دن پہلے
عمرا یوب نے پی ٹی آئی کے سیکرٹری جنرل کے عہدے سے استعفی دے دیا
-
پاکستان 21 گھنٹے پہلے
تحریک انصاف کے ایک اور بڑے پارٹی رہنما نے استعفیٰ دیدیا
-
تجارت ایک دن پہلے
یکم جولائی سے پٹرولیم مصنوعات کی قیمتوں میں اضافے کا امکان
-
پاکستان 20 گھنٹے پہلے
آپریشن ’عزم استحکام ‘ کی کامیابی کیلئے پاکستان نے امریکا سے مدد مانگ لی
-
علاقائی ایک دن پہلے
صوفی بزرگ عبداللہ شاہ غازی کے سالانہ عرس پر کل کراچی میں تعطیل کا اعلان
-
دنیا ایک دن پہلے
مالدیپ کے صدر پر کالا جادو کرنے کے الزام میں ایک خاتون سمیت دو وزراء گرفتار
-
پاکستان ایک دن پہلے
قومی اسمبلی میں امریکی ایوان نمائندگان کی قرار داد کے خلاف قرار داد منظور