کراچی میں حالیہ ہیٹ ویو سے اموات کی تعداد 17 ہو گئی

کراچی میں حالیہ ہیٹ ویو سے اموات کی تعداد 17 ہو گئی۔

محکمہ صحت سندھ کے مطابق رواں گزشتہ  24 گھنٹوں کے دوران ہیٹ اسٹروک سے7 افراد انتقال کرگئے۔ کراچی میں 24 جون سے ہیٹ ویو کا سلسلہ شروع ہوا تھا۔

کراچی میں جمعرات کو ہیٹ اسٹروک کے مجموعی طور پر 212 کیسز رپورٹ ہوئے، ضلع وسطی میں سب سے زیادہ ہیٹ اسٹروک کے 98 کیسز رپورٹ کیے گئے جب کہ شہر قائد میں ہیٹ اسٹروک سے 7افراد انتقال کرگئے۔

محکمہ صحت سندھ کے مطابق 24 جون کو 8، 26 جون کو 6 جبکہ 27 جون کو 2 ہلاکتیں  رپورٹ ہوئیں۔

دوسری جانب شدید گرم موسم  کے باوجود کے الیکٹر ک کی جانب سے اعلانیہ اور غیراعلانیہ لوڈ شیڈنگ کا سلسلہ جاری ہے۔

کراچی میں شدید گرمی کے باوجود کئی علاقوں میں 12سے14گھنٹے کی بجلی کی لوڈشیڈنگ جاری ہے جہاں ڈیفنس، گلشن اقبال، گلبرگ، ملیر، ماڑی پور، میمن گوٹھ، نارتھ کراچی، اورنگی ٹاؤن اور ناظم آباد میں بجلی کی طویل بندش کی جارہی ہے۔