یوٹیوب نے ایک اور نیا فیچر متعارف کروا دیا ، آزمائش شروع

یوٹیوب نے ایک اور نیا فیچر متعارف کروا دیا، اس نئے فیچر کی آزمائش بھی شروع کر دی گئی۔

یوٹیوب نے کم سبسکرائبرز رکھنے والے کانٹینٹ کریئیٹرز کی حوصلہ افزائی کے لیے نئے فیچر کی آزمائش شروع کردی۔ ہائپ (”Hype“) نامی فیچر کے تحت کم سبسکرائبرز رکھنے والے افراد کو زیادہ پیسے ملیں گے۔

میڈیا رپورٹ کے مطابق مذکورہ فیچر کی آزمائش برازیل سمیت دیگر چند ممالک میں شروع کردی گئی، دوسرے مرحلے میں اس فیچر کو مزید ممالک تک پھیلایا جائے گا۔فیچر کے تحت یوٹیوب پارٹنر کانٹینٹ کریئیٹرز کو زیادہ فائدہ ملے گا اور اس فیچر کو وہی مواد بنانے والے استعمال کر سکیں گے جن کے سبسکرائبرز کی تعداد زیادہ سے زیادہ 5 لاکھ تک ہوگی۔

فیچر کے تحت صارفین اپنی اپ لوڈ کردہ ویڈیو میں ”Hype“ سیکشن کا استعمال کرسکیں گے، جس کے بعد ان کی ویڈیو یوٹیوب کا الگورتھم ازخود ایک ہفتے تک پھیلائے گا۔فیچر کے تحت ہفتے میں جس بھی صارف کی ویڈیو کو زیادہ ”Hype“ ملیں گے، اسے مختلف کیٹیگریز کے تحت زیادہ پیسے دیے جائیں گے۔

یو ٹیوب کے اس فیچرکا  استعمال تمام یوٹیوب چینلز مالکان کے لیے فوری طور پر نہیں ہوگا۔