چیئرمین جوائنٹ چیفس آف اسٹاف کمیٹی کا اردن کا سرکاری دورہ

پاک فوج کے شعبہ تعلقات عامہ (آئی ایس پی آر) کے مطابق جنرل ندیم رضا نے اپنے دورے کے دوران اردن کے ہم منصب میجر جنرل یوسف احمد سے ملاقات کی ہے۔ آئی ایس پی آر نے بتایا ہے کہ ملاقات کے دوران دفاعی تعاون،علاقائی سکیورٹی اور باہمی دلچسپی کے امور پر تبادلہ خیال کیا گیا۔  ملاقات میں باہمی تعلقات  کومزید فروغ دینے کے عزم کا اعادہ کیاگیا۔

آئی ایس پی آر کے مطابق جنرل یوسف نے دہشتگردی کے خلاف پاکستان کی مسلح افواج کی لازوال قربانیوں کو ‏سراہا، جنرل ندیم رضا کو دوطرفہ تعلقات کے فروغ میں کلیدی خدمات کے اعتراف میں اردن ‏کے اعلی ترین اعزاز سے بھی نوازا گیا۔