سماجی رابطے کی ویب سائٹ ٹویٹر(ایکس) کے مالک ایلون مسک نے اپنے اکاؤنٹ سے ٹویٹ کرتے ہوئے کہا کہ سیاست دان کب سمجھیں گے کہ اب ٹویٹر پر جھوٹے بیانیے کی کوئی گنجائش نہیں ہے۔ 
ایلون مسک نے امریکی سیاست دان کمالہ ہیرس کے ٹویٹ کو شیئر کیا جس میں کمالہ ہیرس نے اس بات کا اظہار کیا کہ اگر آئندہ الیکشنز میں ڈونلڈ ٹرمپ جیت گئے تو وہ خواتین کے اسقاط حمل پر پابندی عائد کر دیں گے۔ 
کمالہ ہیرس نے اپنے ٹویٹ میں یہ بھی لکھا کہ اگر آئندہ الیکشنز کے نتیجے کے طور پر جو بائیڈن کی حکومت بن گئی تو وہ ایسی کوئی پابندی عائد نہیں کریں گے۔ 
بانی ایکس ایلون مسک نے تنبیہ کی کہ ٹویٹر کے اکاؤنٹ چلانے والوں کے علم میں ہونا چاہیے کہ ٹویٹر پر اب کسی بھی جھوٹی خبر کی جگہ نہیں ہے۔

لاہور: بھارتی معروف پنجابی اداکار گپی گریوال اپنی فلم کی پروموشن کےلیے پاکستان پہنچ گئے۔ 
ذرائع کے مطابق بھارتی اداکار گپی گریوال پاکستان میں اپنی حالیہ ریلیز ہونے والی پنجابی فلم کی پروموشن کے لیے ملاقاتیں کریں گے، اور عوامی اجتماعات میں بھی شرکت کریں گے۔ 
واضح رہے کہ یہ پہلی بار نہیں ہے کہ جب بھارتی اداکار گپی گریوال پاکستان میں اپنی کسی فلم کی پروموشن کے لیے آئے ہیں۔ اس سے قبل بھی وہ اپنی فلم ’’موجاں ہی موجاں‘‘ کی پروموشن کے لیے بنوں ڈھلون اور کرم جیت انمول کے ہمراہ پاکستان آئے تھے۔ اپنے دورہ پاکستان کے دوران انہوں نے کرتار پور کی بھی زیارت کی تھی۔ 
بھارتی اداکار گپی گریوال پاکستانی مایہ ناز اداکاروں بشمول افتخار ٹھاکر، ناصر چنیوٹی اور اکرم اداس کے ساتھ فلموں میں کام کر چکے ہیں۔

پیٹرولیم مصنوعات کے بعد ایل پی جی کی قمیت میں بھی اضافہ کر دیا گیا، ماہ جولائی کیلئے ایل پی جی کی فی کلو قیمت میں 1 روپے 43 پیسے کا اضافہ کر دیا گیا ۔

اوگرا کے جاری کردہ نوٹیفکیشن کے مطابق ایل پی جی کے 11.8 کلو گرام کے گھریلو سلنڈر کی قیمت میں 1 روپے  43 پیسے اضافہ ہوا۔

ایل پی جی کے 11.8 کلو گرام کے گھریلو سلنڈر کی نئی قیمت 2769 روپے 66 پیسے مقرر کر دی گئی، قیمتوں کا تعین جولائی کے لیے کیا گیا۔

 خیال رہے کہ جون میں ایل پی جی کے 11.8 کلو گرام کے گھریلو سلنڈر کی قیمت 2768 روپے 63 پیسے تھی۔