حکومت کے معاشی دعووں پر اعتبار نہیں کرسکتے : احسن اقبال

تفصیلات کے مطابق مسلم لیگ (ن) کے رہنما احسن اقبال نے لاہور میں پریس کانفرنس کرتے ہوئے کہاکہ اربوں روپے کی تشہیری مہم بجٹ پر شروع کی جیسے اقتصادی معاشی پالیسی سے ملک جنت بن گیاہے، یہ  حکومتی  ٹیم معیشت کو تباہ کرنے کی ذمہ دار ہے، ان کی  کوئی ٹیم کوئی پلان نہیں ، نااہلی و نالائقی ہے جو قوم تین سال سے بھگت رہی  ہے۔ انہوں نے کہا کہ  نئے سال میں کوئی منی بجٹ تو نہیں آئے گا اور نہ ہی پیٹرول کی قیمتوں کو بڑھائیں گے، سارا سال قوم کو منی بجٹ کے جھٹکے دئیے جاتے ہیں ۔

احسن اقبال نے کہاکہ  تین سال میں افراط زر آسمان تک پہنچ گیاہے، حکومت کے پاس کوئی ترقیاتی منصوبہ نہیں ، ہوا کے روش پر کشتی چلی جاتی ہے، آج ملک کا کوئی پانچ سالہ لانگ ٹرم کوئی پروگرام نہیں ہمارا ویژن 2020تھا۔

احسن اقبال نے   حکومت پر کڑی تنقید کرتے ہوئے کہا کہ انتخابی اصلاحات کے لیے اپوزیشن سے مشاورت نہیں کی گئی اور قانون منظور کرنے سے قبل اس کو پڑھنے کے لیے تفویض 2 دن کی شرط کو بھی ختم کردیا جبکہ مجوزہ اصلاحات کے ذریعے پاکستان تحریک انصاف (پی ٹی آئی) اگلا الیکشن چوری کرنا چاہتی ہے۔