پنجاب کی راجکماری کہتی ہیں کہ انہیں کام نہیں کرنے دیا جا رہا، بیرسٹر سیف

مشیر اطلاعات خیبر پختونخوا بیرسٹر ڈاکٹر سیف نے کہا ہے کہ پنجاب کی راجکماری کہتی ہیں کہ انہیں کام نہیں کرنے دیا جا رہا، راجکماری کے بہتے آنسو خاندان شریفیہ میں اختلافات کا ثبوت ہیں۔

اپنے ایک بیان میں بیرسٹر سیف نے مریم نواز پر تنقید کرتے ہوئے کہا کہ پنجاب کی راجکماری کہتی ہیں کہ انہیں کام نہیں کرنے دیا جا رہا، وہ کون ہے جو آپ کو کام نہیں کرنے دے رہا، آپ کے چچا اور ابا جی کی حکومت میں آخر یہ فریاد کیوں۔ 

پنجاب کی راجکماری کہتی ہیں کہ انہیں کام نہیں کرنے دیا جا رہا.وہ کون ہے جو آپ کو کام نہیں کرنے دے رہا, آپ کے چچا اور ابا جی کی حکومت میں آخر یہ فریاد کیوں,راجکماری کے بہتے آنسو خاندان شریفیہ میں اختلافات کا ثبوت ہیں۔ pic.twitter.com/UKmOrl64AM

— Barrister Dr Muhammad Ali Saif (@BaristerDrSaif) July 4, 2024

انہوں نے کہا کہ راجکماری کے بہتے آنسو خاندان شریفیہ میں اختلافات کا ثبوت ہیں، خاندان شریفیہ میں وزارت عظمیٰ کی جنگ جاری ہے، نواز شریف چوتھی بار وزیراعظم بننے کیلئے سر توڑ کوشش کر رہے ہیں، نواز شریف بمقابلہ شہباز شریف گروپ آپس میں مشت و گریباں ہیں۔

مشیر اطلاعات خیبرپختونخوا کا کہنا تھا کہ شہبازشریف کی گردن اسحاق ڈار اور رانا ثناءاللہ کے ذریعے دبائی ہوئی ہے، مریم نواز کا ہدف بھی شہباز شریف اور اس کی حکومت ہے۔ کرسی کی اس اندرونی لڑائی میں عوام رل رہے ہیں، عوام کے مسائل کی خاندان شریفیہ کو پرواہ نہیں۔