سابق برطانوی وزیراعظم رشی سونک نے پارلیمانی انتخابات میں ہار تسلیم کر لی

لندن: سابق برطانوی وزیراعظم رشی سونک نے حالیہ برطانوی الیکشنز میں اپنی ہار کو باضابطہ طور پر تسلیم کر لیا۔ 
اپنی تقریر کرتے ہوئے انہوں نے اعتراف کیا کہ ان کی جماعت اپنے سابق اقتتدار کے دوران بہترین کارکردگی دکھانے میں ناکام رہی تھی، جس کی بدولت حالیہ الیکشنز میں برطانوی عوام نے کنزرویٹو پارٹی کو منتخب نہیں کیا۔ 
کنزرویٹو پارٹی کے رہنما رشی سونک نے اپنی تقریر کے دوران برطانوی نو منتخب وزیراعظم اور لیبر پارٹی کے سربراہ کیئر اسٹارمر کو بطور وزیراعظم منتخب ہونے پر مبارک باد بھی دی۔ 
سابق برطانوی وزیراعظم رشی سونک نے امید ظاہر کی کہ نومنتخب برطانوی حکومت اپنی بھر پور کارکردگی دکھا کر عوامی توقعات پر پورا اترے گی۔ 
کنزرویٹو پارٹی کے رہنما رشی سونک اکتوبر 2022 میں برطانیہ کے بطور وزیراعظم منتخب ہوئے۔ جولائی 2024 کے الیکشنز میں کنزرویٹو پارٹی کی بدترین ہار کے نتیجے میں وہ اپنے عہدے سے مستعفی ہو گئے۔ کنزرویٹو پارٹی کی کارکردگی کو لے کر برطانوی عوام میں کافی تشویش تھی۔
 کنزرویٹو پارٹی کی ناقص پالیسیوں پر ردعمل کے طور پر رواں سال برطانوی عوام نے لیبر پارٹی کو بھاری اکثریت سے ووٹ دیے۔ جولائی 2024 کے برطانوی الیکشنز میں لیبر پارٹی کے سربراہ کیئر اسٹارمر باضابطہ طور پر برطانیہ کے وزیراعظم مقرر ہو گئے۔