گرفتاری کا خوف، اسرائیلی وزیراعظم بغیر یورپ رُکے امریکا جائیں گے

اسرائیلی وزیراعظم نیتن یاہو گرفتاری کے خوف سے بغیر یورپ رکے سیدھا امریکہ پہنچیں گے جہاں 24 جولائی کو امریکی صدر جو بائیڈن سے ملاقات اور کانگریس سے خطاب کریں گے۔

غیر ملکی میڈیا رپورٹ کے مطابق یہ سفر ان کسی یورپی ملک میں اترے بغیر براہ راست ہو گا، کیونکہ  اگر وہ کسی یورپی ملک میں اترے یا یورپی فضا استعمال کی تو انہیں بین الاقوامی فوجداری عدالت کی طرف سے جاری کردہ وارنٹ کے تحت گرفتار کیا جا سکتا ہے۔

غیر ملکی نشریاتی ادارے نے انکشاف کیا کہ نیتن یاہو گرفتاری کے خوف سے رواں ماہ اپنے دورہ امریکہ کے دوران یورپ میں رکنے سے گریز کریں گے۔

میڈیا رپورٹ کے مطابق وزیر اعظم نے اس بات کا جائزہ لیا ہے کہ آیا سرکاری طیارہ قانونی طور پر واشنگٹن جاتے ہوئے کسی یورپی اسٹیشن پر لینڈ کرنے کے قابل ہے یا نہیں۔

رپورٹ کے مطابق نیتن یاہو نے رکے بغیر براہ راست واشنگٹن جانے کو ترجیح دی ہے۔ نیتن یاہو کے طیارے میں زیادہ سے زیادہ 60 مسافر سوارہوں گے تاکہ طیارہ تل ابیب سے واشنگٹن کے لیے براہ راست پرواز کرسکے۔

یاد رہے کہ عالمی عدالت نے اسرائیلی وزیراعظم نیتن یاہو کو غزہ میں سنگین جنگی خلاف ورزیوں پر وارنٹ گرفتاری جاری کر رکھے ہیں۔