لاہور سمیت پنجاب کے مختلف شہروں میں آج بھی بارش کا امکان

لاہور سمیت پنجاب کے مختلف شہروں میں آج بھی بارش کا امکان ہے۔

محکمہ موسمیات نے پنجاب کے مختلف علاقوں میں آج بھی بادل برسنے کی پیشگوئی کر دی ہے۔

محکمہ موسمیات کے مطابق لاہور میں کم سے کم درجہ حرارت 27 جبکہ زیادہ سے زیادہ درجہ حرارت 38 ڈگری سینٹی گریڈ تک جانے کی توقع ہے۔

اعدادو شمار کے مطابق شہر کا موجودہ درجہ حرارت 31 ڈگری سینٹی گریڈ ریکارڈ کیا گیا ہے، ہوا کی رفتار 5 کلومیٹر فی گھنٹہ ریکارڈ کی جا رہی ہے جبکہ ہوا میں نمی کا تناسب 69 فیصد تک جا پہنچا ہے۔

ذرائع کا کہنا ہے کہ لاہور سمیت پنجاب کے مختلف علاقوں میں بارش برسنے کا سلسلہ 15 جولائی تک وقفے وقفے سے جاری رہے گا، مغربی ہواؤں سے بننے والا ایک نیا نظام افغانستان کے راستے ملک میں داخل ہوا جو کہ بارشوں کا باعث بن رہا ہے۔