فلپائن میں 6.7 شدت کا زلزلہ، سونامی کا الرٹ جاری

جنوبی فلپائن میں 6.7 شدت کے زلزلے کے جھٹکے محسوس کئے گئے ہیں، جس کے بعد سونامی کا الرٹ جاری کر دیا گیا ہے۔

غیر ملکی خبر رساں ادار ےکے مطابق جمعرات کی صبح آنے والے زلزلے کی شدت ریکٹر اسکیل پر 6.7ریکارڈ کی گئی۔ زلزلہ فلپائن کے علاقے منداناؤ میں آیا۔ زلزلے کی زمین میں گہرائی 630کلومیٹر تھی۔ زلزلے سے کسی جانی نقصان کی اطلاع نہیں ملی۔

زلزلے سے کے باعث لوگ کھلی جگہوں پر نکل آئے۔ حکام کا کہنا ہے کہ علاقے میں زلزلے کے آفٹرشاکس آ سکتے ہیں اس لیے لوگ احتیاط سے کام لیں۔ فلپائن پیسفک کے رنگ آف فائر میں واقع ہے اور یہاں زلزلے آتے رہتے ہیں۔