برطانوی حکومت کا ہزاروں قیدی قبل ازوقت رہا کرنے کا فیصلہ

برطانوی حکومت نے ہزاروں قیدیوں کو سزا پوری کرنے سے قبل رہا کرنے کا فیصلہ کیا ہے۔

غیر ملکی میڈیا کے مطابق جیلوں میں مزید قیدیوں کی گنجائش ختم ہونے کے باعث برطانوی حکومت نے ستمبر سے قیدیوں کی قبل ازوقت رہائی کا عمل شروع کرے گی تاکہ مزید قیدیوں کیلئے گنجائش پیدا ہو سکے۔

رپورٹ کے مطابق انگلینڈ اور ویلز کی جیلوں میں صرف 700 مرد قیدیوں کی گنجائش باقی ہے ، جیلیں بھر جانے کے بعد پولیس تھانوں میں بنے حوالات کو استعمال کرنا پڑے گا ، اس سے سڑکوں پر پولیس گشت میں کمی ہو گی۔

جیلوں میں جگہ بنانے کے لیے حکومت نے 40 فیصد سزا کاٹنے والے قیدیوں کی رہائی کا فیصلہ کیا ہے ، ابتدائی طورپر تقریباً ساڑھے 5 ہزار  قیدیو کو رہا کیا جائے گا، سنگین اور جنسی جرائم میں سزا پانے والے قیدی اس سے مستفید نہیں ہو سکیں گے۔

غیر ملکی خبر رساں ادارے کے مطابق برطانیہ کی وزیر انصاف شبانہ محمود کا کہنا ہے کہ جیلوں میں گنجائش کی کمی کے مسئلے سے ابھی نہ نمٹا گیا تو کریمنل جسٹس سٹم تباہ ہونے کا خدشہ ہے۔