مسافر ٹرینوں کے کرایوں میں ایک بار پھر اضافہ

پاکستان ریلویز نے پیٹرولیم مصنوعات کی قیمتوں میں اضافے کے باعث مسافر ٹرینوں کے کرایوں میں ایک مرتبہ پھر اضافہ کر دیا ہے۔نئے کرایے 19 جولائی 2024 سے لاگو ہوں گے۔

پاکستان ریلویز نے کرایوں میں ایک فیصد اضافہ کیا ہے،اضافے کا اطلاق تمام کلاسوں اور تمام مسافر ٹرینوں پر ہوگا۔

یہ اضافہ پبلک پرائیویٹ پارٹنرشپ کے تحت چلنے والی تمام ٹرینوں پر بھی لاگو ہوگا۔

محکمہ ریلوے کا کہنا ہے کہ کرایوں میں اضافہ ضروری ہے کیونکہ پیٹرولیم مصنوعات کی قیمتوں میں اضافے سے ریلوے کے اخراجات میں اضافہ ہوا ہے۔تاہم اس اضافے سے مسافروں پر بوجھ پڑے گا، جو پہلے ہی مہنگائی کا شکار ہیں۔

واضح رہے کہ یہ دوسری بار ہے کہ رواں سال مسافر ٹرینوں کے کرایوں میں اضافہ کیا گیا ہے۔

پہلی بار فروری 2024 میں پیٹرولیم مصنوعات کی قیمتوں میں اضافے کے بعد کرایوں میں 5 فیصد اضافہ کیا گیا تھا۔