پی ٹی آئی رہنما شیر افضل مروت کے وارنٹ گرفتاری معطل

راولپنڈی کی عدالت نے شیر افضل مروت کے وارنٹ گرفتاری معطل کردئیے۔

سول جج ڈاکٹر ممتاز ہنجرا نے شیر افضل مروت کے وارنٹ گرفتاری منسوخ کرنے کی درخواست منظور کرلی۔ شیرافضل مروت عدالت میں پیش ہوئے۔

شیرافضل مروت کا کہنا تھا کہ مصروفیت اور چالان پیش نہ ہونے کے باعث عدالت میں حاضر نہیں ہوسکا،آئندہ تاریخ پر بھی عدالت میں پیش ہوں گا۔

عدالت نے کہا کہ فوجداری کیس ہے پیش ہونا ضروری ہے۔

واضح رہے کہ شیرافضل مروت کی غیرحاضری پر عدالت نے 13 جولائی کو وارنٹ گرفتاری جاری کیے تھے ان پر بغیر منظوری تعمیرات کا کیس درج ہے۔