پنجاب بجٹ : جنوبی پنجاب کیلئے 189ارب روپے کے ترقیاتی فنڈز مختص

تفصیلات کے مطابق  صوبائی دارالحکومت پنجاب کا 2653ارب روپے کا بجٹ آج پیش کردیا گیا ، بجٹ تقریر سے خطاب کرتے ہوئے صوبائی وزیر خزانہ   کاکہنا تھا  کہ جنوبی پنجاب میں چولستانی علاقوں کی ترقی کے لیے تقریباََ 1 ارب روپے کے کی خطیر رقم مختص کرنے کی تجویز پیش کی جارہی ہے ، چولستان اور بارانی علاقہ جات میں ٹڈ ی دل کے تدارک  (Locust Control)کیلئے 15کروڑ روپے کی رقم مختص کرنے کی تجویز ہے۔

صوبائی وزیر نے بتایا کہ بجٹ میں جنوبی پنجاب غربت مٹاؤ  پروگرام  کے تحت 2ارب 34کروڑ  روپے سے زائد مالیت کے اثاثہ جات کی منتقلی بشمول غریب خواتین کیلئے کم لاگت کے گھروں کی تعمیر، فنی مہارت اور بکریوں کی فراہمی جیسے منصوبے مکمل کئے جائیں گے۔

ان کاکہنا تھا کہ پسماندہ علاقوں میں سڑکوں کی تعمیر و مرمت ، فراہمیِ و نکاسیِ آب، بنیادی تعلیم و صحت سے متعلقہ ترقیاتی کام کیے جائیں گے جس سے لوگوں کا معیارِ زندگی بلند ہو گا اور روزگار کے نئے مواقع  پیدا ہوں گے جس کے لیے آئندہ مالی سال کے بجٹ میں 99ارب روپے مختص کیے گئے ہیں۔

صوبائی وزیر خزانہ  کاکہنا تھا کہ پنجاب ایک مدت سے وسائل کی غیر متوازن تقسیم اوریک رخی ترقی کے پیدادہ کردہ مسائل سے نبرد آزماء ہے۔فرد واحد کے مسلط کردہ فیصلے انتظامی امور میں بدعنوانیوں کا سبب بن رہے تھے ۔نظر انداز کیے جانے والے اضلاع دارلخلافہ سے متعلق تعصبات کا شکار تھے۔ وسائل کی غیر منصفانہ تقسیم نے جنوبی و وسطی پنجاب کے مابین واضح لکیر کھینچ دی تھی ، وزیر اعلیٰ عثمان بزدار نے کابینہ کے چھینے گئے اختیارات بحال کیے ۔ صوبے کے 11کروڑ وعوام سے متعلق ہر فیصلے میں عوامی نمائندوں کی تجاویزکا احترام کیا،بدعنوانیوں پر کنٹرول کے لیے حکومتی اراکین کی سربراہی میں مانیٹرنگ کمیٹیاں تشکیل دی گئیں ۔دارلخلافہ پر عوام کااعتماد بحال ہوا اورپورے صوبے میں یکساں ترقی کی راہ ہموار ہوئی۔