پاکستان اسٹاک ایکسچینج میں تیزی: 100انڈیکس 79 ہزار 211 پوائنٹس پر پہنچ گیا

کراچی: پاکستان سٹاک ایکسچینج (PSX) میں آج کاروبار کے آغاز پر ہنڈرڈانڈیکس میں 224 پوائنٹس کا اضافہ ہوا جس کے نتیجے میں مارکیٹ 79 ہزار 211 پوائنٹس پر ٹریڈ ہو رہی ہے۔

مارکیٹ میں 29 کروڑ 66 لاکھ سے زائد شیئرز کا لین دین ہوا اور 15 ارب 39 کروڑ سے زائد مالیت کے شیئرز کے سودے ہوئے۔ مارکیٹ کی بلند ترین سطح 79,585 جبکہ کم ترین سطح 78,634 پوائنٹس رہی۔

ماہرین کےمطابق مارکیٹ میں تیزی اور اضافہ کی وجہ مقامی سرمایہ کاروں کی جانب سے بڑھتی ہوئی دلچسپی اور پاکستان کی معیشت میں بہتری کی امیدیں ہے۔اس کے علاوہ ماہرین کا یہ بھی کہنا ہے کہ مارکیٹ میں تیزی اور مثبت رحجانات کی وجہ عالمی مالیاتی مارکیٹوں میں مثبت رحجان بھی ہے۔

معاشی ماہرین کے مطابق پاکستان اسٹاک ایکسچینج میں آج کی تزی کا رحجان جاری رہنے کا امکان ہے۔ بین الاقوامی مالیاتی مارکیٹوں میں مثبت رجحانات اور پاکستان کی معیشت میں بہتری کی امیدوں کی وجہ سے سرمایہ کاروں کا اعتماد بڑھ رہا ہے۔ تاہم، سرمایہ کاروں کو عالمی معاشی صورتحال اور مقامی سیاسی واقعات پر نظر رکھنی چاہیے۔

یاد رہے کہ گزشتہ روز پاکستان اسٹاک ایکسچینج میں کاروبار کے اختتام پر ہنڈرڈانڈیکس 477 پوائنٹس کے اضافے سے 78 ہزار 987 پوائنٹس پر بند ہوا تھا۔ابتدائی کاروبار میں 225 کمپنیوں کے شیئرز کی قیمتوں میں اضافہ ہوا جبکہ 164 کے شیئرز میں کمی ہوئی تھی۔