تائیوان میں طوفان کے دوران مال بردار جہاز ڈوب گیا، 9 ملاح لاپتا

تائیوان: تائیوان کے جنوبی ساحل پر طوفان گیمی کے دوران ایک مال بردار جہاز ڈوب گیا ہے جس کے نتیجے میں جہاز پر سوار 9 ملاح لاپتا ہو گئے ہیں۔

غیر ملکی خبر رساں ادارے کے مطابق تائیوان کی نیشنل فائر ایجنسی کے سربراہ شاؤ ہوانگ چھاؤ نے بتایا کہ ملاحوں کو جہاز سے اترتے وقت لائف جیکٹس پہنے ہوئے دیکھا گیا تھا لیکن شدید طوفانی موسم کی وجہ سے امدادی کارکن ان تک نہیں پہنچ سکے۔

انہوں نے کہا کہ جب امدادی کارکن جائے وقوعہ پر پہنچے تو وہاں حد نگاہ بہت کم اور ہوائیں بہت تیز چل رہی تھیں۔ امدادی کارکنوں نے ملاحوں کی تلاش کے لیے فوری طور پر کارروائی شروع کر دی ہے لیکن ابھی تک کوئی پیشرفت نہیں ہو سکی ہے۔

تائیوان میں 8 سالوں میں آنے والا یہ سب سے طاقتور طوفان ہے جس نے ملک کے مختلف حصوں میں شدید تباہی مچائی ہے۔ طوفان کی وجہ سے کم از کم 2 افراد ہلاک ہو چکے ہیں اور متعدد مکانات کو نقصان پہنچا ہے۔

تائیوان کی حکومت ملاحوں کو تلاش کرنے کے لیے ہر ممکن کوشش کر رہی ہے۔ امدادی کارکنوں نے بحری جہاز اور ہیلی کاپٹرز کی مدد سے ملاحوں کی تلاش تیز کر دی ہے۔ تاہم شدید موسمی حالات کے باعث امدادی کارروائیاں میں مشکلات کا سامنا ہے۔