توہین الیکشن کمیشن کیس: فواد چوہدری کا جیل ٹرائل کالعدم قرار

اسلام آباد ہائیکورٹ نے فواد چوہدری کے خلاف توہین الیکشن کمیشن کیس کا جیل ٹرائل کالعدم قرار دے دیا۔

عدالت نے الیکشن کمیشن کی جیل کی مکمل کارروائی کالعدم قرار دیتے ہوئے فواد چوہدری پر اڈیالہ جیل میں عائد فرد جرم بھی کالعدم قرار دے دی۔

جسٹس ثمن رفعت امتیاز نے درخواست پر فیصلہ سنایا۔

اسلام آباد ہائیکورٹ نے توہیں الیکشن کمیشن کیس میں
فواد چودھری کیخلاف جیل ٹرائل کالعدم قرار دیدیا#LatestNews #BreakingNews #WhatsAppChannel #GNN pic.twitter.com/HCij5WqU00

— GNN (@gnnhdofficial) July 25, 2024

یاد رہے کہ 11 جولائی کو سابق وفاقی وزیر فواد چوہدری کے خلاف توہین الیکشن کمیشن کیس کی سماعت ہوئی ، ممبر الیکشن کمیشن نثار درانی توہین کی سربراہی میں 4 رکنی کمیشن نے کیس کی سماعت کی تھی۔

الیکشن کمیشن آف پاکستان نے توہین الیکشن کمیشن اور توہین چیف الیکشن کمشنر کیس میں فواد چوہدری کے وارنٹ گرفتاری جاری کرتے ہوئے کیس کی سماعت 7 اگست تک ملتوی کردی تھی۔

واضح رہے کہ الیکشن کمیشن نے 3 جنوری 2024 کو بانی پی ٹی آئی عمران خان اور سابق وفاقی وزیر اطلاعات فواد چوہدری پر توہین الیکشن کمیشن کیس میں فرد جرم عائد کی تھی۔