پاکستان
اسلام آباد میں جماعت اسلامی کا دھرنا،ریڈ زون سیل
جماعت اسلامی کے امیر حافظ نعیم الرحمان نے بجلی کی بڑھتی ہوئی قیمتوں کے خلاف آج اسلام آباد میں دھرنے کا اعلان کیا تھا
![اسلام آباد میں جماعت اسلامی کا دھرنا،ریڈ زون سیل](/media/112784/conversions/Container-1280x720.jpg)
اسلام آباد میں جماعت اسلامی کے اعلان کردہ دھرنے کے پیش نظر شہر میں دفعہ 144 نافذ کر دی گئی ہے۔ شہر کی اہم شاہراہوں پر کنٹینر لگا کر سڑکیں بند کر دی گئی ہیں۔
جماعت اسلامی کے امیر حافظ نعیم الرحمان نے بجلی کی بڑھتی ہوئی قیمتوں کے خلاف آج اسلام آباد میں دھرنے کا اعلان کیا تھا۔ جس کے بعد بڑی تعداد میں کارکن اسلام آباد پہنچنا شروع ہو گئے ہیں۔
شہر میں امن و امان کی صورتحال کو برقرار رکھنے کے لیے پولیس اور دیگر قانون نافذ کرنے والے ادارے الرٹ ہیں۔ شہر میں جلسے جلوسوں پر پابندی عائد کر دی گئی ہے۔
دفعہ 144 کے نفاذ اور سڑکوں پر رکاوٹوں کی وجہ سے شہریوں کو آمدورفت میں مشکلات کا سامنا ہے۔
دوسری طرف پنجاب میں بھی آج سے 3 روز کے لیے دفعہ 144 نافذ کر دی گئی ہے۔ محکمہ داخلہ پنجاب کے نوٹیفکیشن کے مطابق پابندی کا اطلاق جمعہ 26 جولائی سے اتوار 28 جولائی تک ہوگا۔ پابندی کا اطلاق دہشت گردی کے خطرات کے پیشِ نظر کیا گیا ہے۔
محکمہ داخلہ پنجاب کے مطابق موجودہ حالات میں سکیورٹی خطرات کے پیش نظر کوئی بھی عوامی اجتماع دہشت گردوں کیلئے سافٹ ٹارگٹ ہو سکتا ہے۔
علاقائی
پنجاب میں دفعہ 144 کا نفاذ ہائیکورٹ میں چیلنج
درخواست اظہر صدیق ایڈووکیٹ کی جانب سے دائر کی گئی جس میں پنجاب حکومت، ہوم سیکرٹری اور ڈپٹی کمشنرز کو فریق بنایا گیا ہے
![پنجاب میں دفعہ 144 کا نفاذ ہائیکورٹ میں چیلنج](/media/112781/conversions/LHC-1280x720.jpg)
لاہور: پنجاب حکومت کی جانب سے پی ٹی آئی کے احتجاج کو روکنے کے لیے صوبہ بھر میں نافذ کی گئی دفعہ 144 کو لاہور ہائیکورٹ میں چیلنج کر دیا گیا ہے۔
وکیل اظہر صدیق نے ایک درخواست دائر کی ہے جس میں انہوں نے پنجاب حکومت، ہوم سیکرٹری اور ڈپٹی کمشنرز کو فریق بنایا ہے۔
درخواست میں موقف اختیار کیا گیا ہے کہ دفعہ 144 کا نفاذ سیاسی بنیادوں پر کیا گیا ہے اور اس کا مقصد صرف ایک سیاسی جماعت کے پرامن احتجاج کو روکنا ہے۔
پنجاب میں دفعہ144 کا نفاذ لاہور ہائیکورٹ میں چیلنج!!#GNN #BreakingNews #NewsUpdates #GNN_Updates pic.twitter.com/3V2PBJoMLa
— GNN (@gnnhdofficial) July 26, 2024
درخواست گزار نے عدالت سے استدعا کی ہے کہ وہ دفعہ 144 کا نوٹیفکیشن کالعدم قرار دے اور پٹیشن کے حتمی فیصلے تک اس پر عمل درآمد روک دیا جائے۔
واضح رہے کہ پنجاب حکومت نے گزشتہ روز صوبے بھر میں جلسے، جلوس، ریلیوں، دھرنوں اور احتجاج پر پابندی لگا دی تھی۔
محکمہ داخلہ کے مطابق یہ پابندی 26 جولائی سے 28 جولائی تک نافذ رہے گی اور اس کا مقصد امن و امان قائم کرنا ہے۔
کھیل
بابر اعظم آئی سی سی ٹیسٹ رینکنگ میں بھی پیچھے رہ گئے
دوسری جانب ٹیسٹ باؤلرز کی ٹاپ 10 رینکنگ میں کوئی ردو بدل نہیں ہوئی، بھارت کے سپنر روی چندرن ایشون کا پہلا نمبر برقرار ہے
![بابر اعظم آئی سی سی ٹیسٹ رینکنگ میں بھی پیچھے رہ گئے](/media/112768/conversions/cover_1721811674FotoJet---2024-07-24T135939.263-1280x720.jpg)
ٹیسٹ میں نیوزی لینڈ کے کین ولیمسن کی پہلی پوزیشن برقرار ہے جبکہ انگلینڈ کے جو روٹ دوسرے نمبر پر ہیں، انگلش بلے باز ہیری بروک چار درجے ترقی کے بعد تیسرے نمبر پر آگئے ہیں۔
ویسٹ انڈیز کے خلاف حالیہ ٹیسٹ سیریز کے دوران جو روٹ نے کیریئر کی 32ویں سنچری سکور کی تھی، جو روٹ اگر تیسرے ٹیسٹ میں بھی شاندار کارکردگی دکھاتے ہیں تو وہ پہلی پوزیشن حاصل کر سکتے ہیں۔
دوسری جانب ٹیسٹ باؤلرز کی ٹاپ 10 رینکنگ میں کوئی ردو بدل نہیں ہوئی، بھارت کے سپنر روی چندرن ایشون کا پہلا نمبر برقرار ہے جبکہ پاکستان کے فاسٹ باؤلر شاہین شاہ آفریدی نویں نمبر پر موجود ہیں ، آل راؤنڈرز میں بھارت کے رویندرا جڈیجا پہلی پوزیشن پر براجمان ہیں۔
پاکستان
حکومت مکمل ناکام ہوچکی ہے ، عوام الیکشن کی تیاری کرے ، عمر ایوب
عمر ایوب نے دعویٰ کیا کہ الیکشن کمیشن آف پاکستان (ای سی پی) نے آئین کی غلط تشریح کی ہے اور چیف الیکشن کمشنر اور چاروں صوبائی کمشنروں کے استعفیٰ کا مطالبہ کیا ہے
![حکومت مکمل ناکام ہوچکی ہے ، عوام الیکشن کی تیاری کرے ، عمر ایوب](/media/112769/conversions/152956-1603976114-1280x720.jpg)
اسلام آباد: قومی اسمبلی میں اپوزیشن لیڈر عمر ایوب نے موجودہ حکومت کو تنقید کا نشانہ بناتے ہوئے کہا ہے کہ حکومت ناکام ہوچکی ہے، قوم نئے انتخابات کی تیاری کرے۔
جمعرات کو میڈیا سے بات کرتے ہوئے پی ٹی آئی رہنما ایوب نے 9 مئی کے واقعات اور زمان پارک کی تمام سی سی ٹی وی فوٹیج جاری کرنے کی اہمیت پر زور دیا۔ انہوں نے کہا کہ ایسی فوٹیج کو ڈیلیٹ کرنا جرم ہے۔
عمر ایوب نے بتایا کہ عمران خان سے اڈیالہ جیل میں خوشگوار ملاقات ہوئی۔ انہوں نے روشنی ڈالی کہ پی ٹی آئی ملک کی سب سے بڑی سیاسی جماعت ہے اور قوم پر زور دیا کہ وہ ترقی اور ترقی کے لیے نئے انتخابات کی تیاری کرے۔
عمر ایوب نے دعویٰ کیا کہ الیکشن کمیشن آف پاکستان (ای سی پی) نے آئین کی غلط تشریح کی ہے اور چیف الیکشن کمشنر اور چاروں صوبائی کمشنروں کے استعفیٰ کا مطالبہ کیا ہے اور تجویز دی ہے کہ سی ای سی پر آرٹیکل 6 لگایا جائے۔
-
تجارت ایک دن پہلے
درآمدی موبائل فونز پر ٹیکس عائد، مہنگے ہو نے کا امکان
-
تجارت 2 دن پہلے
ریسٹورینٹس اور ہوٹلز میں کارڈ سے ادائیگیوں پر ٹیکس میں اضافہ
-
دنیا 2 دن پہلے
نیپال میں ٹیک آف کے دوران طیارہ حادثے کا شکار، 18 ہلاک
-
تجارت 2 دن پہلے
سونے کی قیمتوں میں عالمی اور مقامی سطح پر کمی
-
علاقائی ایک دن پہلے
کوئٹہ : تربت میں زلزلے کے جھٹکے
-
تجارت ایک دن پہلے
حکومت کا پٹرولیم مصنوعات کی قیمتوں کی ذمہ داری سے نکلنے کا فیصلہ
-
علاقائی ایک دن پہلے
سندھ میں اسکولز کے بعد کالجز کی تعطیلات میں بھی اضافہ
-
دنیا ایک دن پہلے
سابق برطانوی وزیرعظم رشی سونک نے پارٹی عہدے سے استعفیٰ دیدیا