پاکستان
کوہاٹ : گھر کے تہہ خانے میں بارش کا پانی داخل ،11 افراد جاں بحق، بچی لاپتہ
راولپنڈی میں بھی موسلادھار بارش کے بعد ایک مکان کی چھت گرنے سے 2 خواتین موقع پر جاں بحق ہو گئیں
![کوہاٹ : گھر کے تہہ خانے میں بارش کا پانی داخل ،11 افراد جاں بحق، بچی لاپتہ](/media/113185/conversions/Kohat-1280x720.jpg)
خیبر پختونخوا کے شہر کوہاٹ میں واقع درہ آدم خیل اولڈ بازید خیل کے علاقے میں بارش کے باعث ایک افسوسناک واقعہ پیش آیا ہے۔ بارش کا پانی گھر کے تہہ خانے میں داخل ہونے سے ایک ہی خاندان کے 11 افراد ڈوب کر جاں بحق ہو گئے ہیں۔ ریسکیو 1122 کے مطابق، ایک 5 سالہ بچی ابھی تک لاپتا ہے۔
راولپنڈی میں بھی موسلادھار بارش کے بعد تھانہ وارث خان کے علاقے میں ایک مکان کی چھت گرنے سے 2 خواتین موقع پر جاں بحق ہو گئیں۔ ریسکیو اہلکاروں نے ملبے تلے سے لاشیں نکال کر ہسپتال منتقل کر دی ہیں۔
کوہاٹ کے علاقہ درہ آدم خیل میں تہہ خانے میں پانی بھرنے سے جاں بحق افراد کی تعداد 11 ہو گئی#GNN #BreakingNews #NewsUpdates #GNN_Updates pic.twitter.com/1UkjjBExjg
— GNN (@gnnhdofficial) July 30, 2024
واضح رہے کہ گزشتہ روز سندھ کے ضلع تھرپارکر کے علاقے ننگرپارکر میں بارش کے دوران آسمانی بجلی گرنے سے 6 افراد جاں بحق اور ایک شخص زخمی ہوا تھا۔
ماہرین کا کہنا ہے کہ ملک کے مختلف علاقوں میں بارشوں کا سلسلہ جاری رہنے کا امکان ہے۔ انہوں نے لوگوں کو احتیاط برتنے اور بارش کے دوران گھروں سے نہ نکلنے کی ہدایت کی ہے۔
پاکستان
وزیراعظم کی طبیعت ناساز ، دورہ ایران ملتوی کر دیا گیا
نائب وزیراعظم اسحاق ڈار وفد کے ہمراہ نو منتخب ایرانی صدر ڈاکٹر مسعود پیزشکیان کی تقریب حلف برداری میں شرکت کرینگے
![وزیراعظم کی طبیعت ناساز ، دورہ ایران ملتوی کر دیا گیا](/media/113188/conversions/ShahbazSharif-1280x720.jpg)
اسلام آباد: وزیراعظم شہباز شریف کی طبیعت ناسازہونے کے باعث دورہ ایران ملتوی کر دیا گیا۔
وزیر اعظم نے نو منتخب ایرانی صدر ڈاکٹر مسعود پیزشکیان کی تقریب حلف برداری میں شرکت کیلئے ایران جانا تھا۔
وزیر اعظم شہباز شریف کی طبیعت گزشتہ روز اچانک ناساز ہو گئی جس کی وجہ سے انہوں نے اپنی تمام مصروفیات منسوخ کر دی تھیں، ڈاکٹرز نے وزیر اعظم کو مکمل آرام کا مشورہ دے دیا ہے۔
وزیراعظم کی طبیعت ناساز!#GNN #BreakingNews #NewsUpdates #GNN_Updates pic.twitter.com/H4QEX4rq3s
— GNN (@gnnhdofficial) July 30, 2024
دوسری جانب وزیر اعظم کی جانب سے دورہ ملتوی کرنے کے بعد اب نائب وزیر اعظم اسحاق ڈار وفد کے ہمراہ آج ایران جائیں گے، اسحاق ڈار کی قیادت میں پاکستان کا وفد ایران کے نئے صدر ڈاکٹر مسعود پیزشکیان کی تقریب حلف برداری میں شرکت کرے گا۔
جرم
چیف جسٹس کے خلاف اشتعال انگیزی پر قانون حرکت میں آئے گا ، وزیر دفاع
قانون کی حکمرانی کی ضرورت پر زور دیتے ہوئے خواجہ آصف نے کہا کہ ملک میں آئین کی حکمرانی ہونی چاہیے
![چیف جسٹس کے خلاف اشتعال انگیزی پر قانون حرکت میں آئے گا ، وزیر دفاع](/media/113152/conversions/130346-617006706-1280x720.jpg)
وزیر دفاع خواجہ محمدآصف نے کہا ہے کہ چیف جسٹس آف پاکستان قاضی فائز عیسی کے خلاف اشتعال انگیز اور بے بنیاد پروپیگنڈا کرنے والے عناصر کے خلاف قانون اپنا راستہ اختیار کرے گا۔
اسلام آباد میں وفاقی وزیراحسن اقبال کے ہمراہ پریس کانفرنس کے دوران خواجہ محمد آصف نے کہا کہ سیاسی مفادات کے لیے مذہب کے نام پر خونریزی پھیلانے کی کوشش کی جارہی ہے،عقیدہ ختم نبوت ہمارے ایمان کا حصہ ہے، سپریم کورٹ پہلے ہی اس معاملے پر اپنی پوزیشن واضح کر چکی ہے، شرانگیز پروپیگنڈے کی جتنی مذمت کی جائے کم ہے۔
انہوں نے کہا کہ قاضی فائز عیسی کو کئی سالوں سے مختلف بہانوں سے نشانہ بنایا جا رہا ہے،عدلیہ میں ایسی آواز کو خاموش کرنے کی کوشش کی جا رہی ہے جو حق و سچ کی روایت کو قائم کیے ہوئے ہے۔
قانون کی حکمرانی کی ضرورت پر زور دیتے ہوئے خواجہ آصف نے کہا کہ ملک میں آئین کی حکمرانی ہونی چاہیے، انصاف کا بول بالا ہونا چاہیے، سیاست کے نام پر ذاتی مفادات کےلیے ڈکٹیشن قبول نہیں۔
وزیر منصوبہ بندی و ترقی احسن اقبال نے چیف جسٹس آف پاکستان کے خلاف پروپیگنڈہ مہم کی مذمت کرتے ہوئے زور دے کر کہا کہ اپنے چھوٹے سیاسی مفادات کے لیے مذہب کےنام پر نفرت کے بیج بونے والے افراد یا گروہوں کو مسترد کر دینا چاہیے۔
احسن اقبال نے کہا کہ کسی کو قتل کے فتوے جاری کرنے کی اجازت نہیں دی جائے گی۔
دنیا
نیو یارک : فائرنگ سے 1شخص ہلاک ، 6 زخمی
فائرنگ کے واقعے کے بعد روچیسٹر پولیس کے علاوہ نیویارک پولیس کے اہلکار جائے واقعہ پر پہنچ گئے۔ انہوں نے کہا کہ اب تک کسی مشتبہ شخص کو حراست میں نہیں لیا گیا
![نیو یارک : فائرنگ سے 1شخص ہلاک ، 6 زخمی](/media/113166/conversions/66640504_605-1280x720.jpg)
امریکی ریاست نیو یارک کے شہر روچیسٹر کے پارک میں فائرنگ کے واقعے میں ایک شخص ہلاک اور 6 زخمی ہو گئے۔
ڈی ڈبلیو کے مطابق نیویارک پوسٹ نے روچیسٹر پولیس کے حوالے سے بتایا کہ گزشتہ شام کو چھ بج کر 20 منٹ کے قریب اطلاع ملی کہ میپل ووڈ پارک میں ایک بڑے مجمع پر فائرنگ کی گئی ہے جس میں متعدد افراد زخمی ہو گئے ہیں۔ پولیس کے کیپٹن گریگ بیلو نے بتایا کہ فائرنگ میں ایک شخص ہلاک ہو گیا جس کی عمر20سال سے زیادہ ہے جبکہ 6 افراد زخمی ہوئے جن میں سے ایک کی حالت تشویش ناک بتائی گئی ہے ۔
زخمیوں کو ہسپتال منتقل کر دیا گیا ہے۔ انہوں نے کہا کہ ہلاک ہونے والے شخص کی شناخت اب تک جاری نہیں کی گئی ، اس کے اہل خانہ کی طرف سے اس کی اجازت کا انتظار کیا جا رہا ہے۔ روچیسٹر پولیس نے اس بات کی تصدیق کی ہے کہ فائرنگ کے وقت پارک کے اندر ایک پارٹی ہو رہی تھی اور کافی تعداد میں لوگ موجود تھے۔
انہوں نے بتایا کہ فائرنگ کے واقعے کے بعد روچیسٹر پولیس کے علاوہ نیویارک پولیس کے اہلکار جائے واقعہ پر پہنچ گئے۔ انہوں نے کہا کہ اب تک کسی مشتبہ شخص کو حراست میں نہیں لیا گیا ۔
-
دنیا 2 دن پہلے
ایران میں شدید گرمی کی لہر، سرکاری دفاتر میں تعطیل
-
پاکستان ایک دن پہلے
پی ٹی آئی رہنما حسن رؤف کے جسمانی ریمانڈ میں 30 جولائی تک توسیع
-
تجارت 14 گھنٹے پہلے
فچ کی رپورٹ کے مطابق پاکستان کی کریڈٹ ریٹنگ میں بہتری آرہی ہے ، وزیر خزانہ
-
پاکستان 2 دن پہلے
جماعت اسلامی نے حکومت کی مذاکرات کی پیشکش قبول کر لی، کمیٹی تشکیل
-
جرم ایک دن پہلے
ضلع کرم قبائل کے درمیان 5 روز سے جھڑپیں جاری ، ہلاکتوں کی تعداد30ہوگئی
-
تجارت 2 دن پہلے
پیٹرولیم مصنوعات کی قیمتوں میں کمی کا امکان
-
پاکستان ایک دن پہلے
وفاقی وزارت تعلیم نے موسم گرما کی تعطیلات میں اضافہ کردیا
-
پاکستان 2 دن پہلے
عمران خان دسمبر میں وزیر اعظم بنیں گے ، اسد قیصر