قدرتی آفات سے پیدا ہونے والی صورتحال سے نمٹنے کے قومی ادارے نے ڈیرہ غازی ژوب سبی نصیرآباد قلات لاڑکانہ اور حیدرآباد ڈویژنز کے پہاڑی ندی نالوں میں سوموار تک سیلابی صورتحال کا انتباہ جاری کیا ہے۔

این ڈی ایم اے نے تمام متعلقہ محکموں کو شدید موسم اور سیلاب کے ممکنہ اثرات میں کمی لانے کے لئے ضروری اقدامات کرنے کی ہدایت کی ہے۔

واضح رہے کہ خطرے سے دوچار آبادی کو سیلاب سے بچاؤ اور محفوظ مقامات پر منتقل ہونے کی ہدایت بھی  کی گئی ہے۔

پشاور: سونے کی قیمتوں میں آئے روز اتار چڑھاؤ ہوتا رہتا ہے جس کا اثر مقامی مارکیٹ میں بھی قیمتوں پر پڑتا ہے۔

صرافہ ایسوسی ایشن کے مطابق آج (ہفتہ) فی تولہ 24 قیراط سونے کی قیمت 1400 روپے اضافے کے ساتھ  2,58,700 روپے ہوگئی۔

صرافہ ایسوسی ایشن کے جنرل سیکرٹری غفران بختیار نے جی این این سے گفتگو کرتے ہوئے کہا کہ بین الاقوامی اور ملکی سطح پر سونے کی قیمتوں میں اضافے سے مقامی مارکیٹیں بری طرح متاثر ہوتی ہیں۔

ایسوسی ایشن کے سیکرٹری نے کہا کہ زرد دھات کی قیمتوں میں اضافے کی وجہ سے جواری بھی کاروبار میں لگ جاتے ہیں جس سے تاجر برادری کو بھاری نقصان ہوتا ہے۔

واضح رہے کہ اس سے قبل جمعہ کو فی تولہ سونے کی قیمت 2400 روپے اضافے سے 257300 روپے فی تولہ ہوگئی تھی۔

کملاہیرس نے ڈیموکریٹ پارٹی کا صدارتی امیدوار بننے کے لیے درکار پارٹی ووٹ حاصل کرلیے۔ کملا امریکی تاریخ میں صدارتی امیدوار کی نامزدگی حاصل کرنے والی پہلی غیر سفید فام خاتون ہیں۔

کملاہیرس کو باضابطہ طور پر ڈیموکریٹ صدارتی امیدوار اگلے ہفتے نامزد کیا جائے گا۔ کملا ہیرس ڈیموکریٹک صدارتی بیلٹ کے لیے کوالیفائی کرنے والی واحد امیدوار تھیں۔

چار ہزار سے زائد پلیجڈ ڈیلی گیٹس میں سے تین ہزار نو سو تئیس کی حمایت حاصل کی،

انسٹھ سالہ کملاہیرس سابق امریکی سینیٹر اور کیلیفورنیا کی اٹارنی جنرل ہیں جو پانچ نومبر کے انتخابات میں کامیاب ہونے کی صورت میں امریکا کی صدر بننے والی پہلی خاتون ہوں گی۔