جماعت اسلامی نے دفعہ 144 کے نفاذ کے باوجود گورنر ہاؤس سندھ کے باہر دھرنا دے دیا

کراچی: جماعت اسلامی کے کارکنوں نے گورنر ہاؤس سندھ  کے باہر دھرنا دے دیا ۔ 

واضح رہے کہ کراچی میں  دفعہ 144 کا نفاذ تھا لیکن اس کے باوجود جماعت اسلامی کے کارکنان نے گورنر ہاؤس سندھ کے باہردھرنا دے دیا ۔ 

جماعت اسلامی کے کارکنان امیر کراچی منعم ظفر خان کی قیادت میں گورنر ہاؤس پہنچے، کارکنان کو پولیس اور انتظامیہ نے روکنے کی کوشش بھی نہیں کی۔

جماعت اسلامی کے تحت مری روڈ راولپنڈی میں بھی مہنگی بجلی اور دیگر مطالبات کے حق میں  گزشتہ 9 روز سے دھرنا جاری ہے اور کراچی میں دیا جانے والا دھرنا اسی کا تسلسل ہے۔