غزہ میں اسرائیلی مظالم جاری، حملوں میں مزید 40 فلسطینی شہید

اسرائیلی فوج کے غزہ میں مظالم جاری ہیں، صہیونی فوج کے حملوں میں مزید 40 فلسطینی شہید ہو گئے۔ گزشتہ 24 گھنٹوں کے دوران غزہ میں 71 زخمی ہوئے، جبکہ مغربی کنارے میں بھی صہیونی فوج نے وحشیانہ کارروائیاں کیں، جس کی بنا پر عقابا کے علاقے میں 4 فلسطینی شہید ہوگئے اور 7 افراد شدید زخمی ہوگئے۔

اسرائیلی فوج نے سبزیوں کی مارکیٹ کو بھی آگ لگادی۔ 7 اکتوبر 2023 کے بعد سے فلسطینی شہدا کی مجموعی تعداد 39 ہزار 623 سے تجاوز کر گئی جبکہ 91 ہزار 469 زخمی افراد زخمی ہو چکے ہیں۔

اسرائیلی فوج نے فلسطینیوں کی کئی روز سے رکھی 89 لاشیں حوالے کردیں، جو فلسطینی حکام کی جانب سے لاشوں کی اجتماعی تدفین کردی گئی۔

غزہ کی سول ڈیفنس ایجنسی کے مطابق تقریباً 90 نامعلوم فلسطینیوں کی لاشیں اسرائیلی فورسز کے پاس کئی مہینوں سے رکھی تھیں، انہیں حوالے کر دیا گیا اور غزہ میں ان کی اجتماعی قبر میں دفن کر دیا گیا ہے۔