گرفتار پاکستانی کا کسی بھی قاتلانہ حملے سے کوئی تعلق نہیں، ترجمان امریکی محکمہ خارجہ

واشنگٹن: امریکی محکمہ خارجہ کے ترجمان میتھیو ملر نے حال ہی میں پاکستان کے شہری آصف مرچنٹ پر امریکی صدر ڈونلڈ ٹرمپ اور دیگر سیاستدانوں کے قتل کی منصوبہ بندی کے الزامات کے حوالے سے اہم بیان جاری کیا ہے۔ گزشتہ روز، امریکی عدالت نے آصف مرچنٹ پر ڈونلڈ ٹرمپ اور دیگر سیاستدانوں پر قاتلانہ حملے کی منصوبہ بندی کے الزام میں فرد جرم عائد کی تھی۔

میتھیو ملر نے اس فرد جرم پر تبصرہ کرتے ہوئے کہا کہ آصف مرچنٹ کا کسی بھی قاتلانہ حملے سے کوئی تعلق نہیں ہے۔ انہوں نے اس بات کا واضح اظہار کیا کہ امریکی محکمہ خارجہ کے پاس اس مسئلے پر تفصیلی معلومات نہیں ہیں، اور اس نوعیت کے قانونی معاملات کو محکمہ انصاف کے ساتھ زیرِ بحث لانے کا مشورہ دیا۔

پریس بریفنگ کے دوران ایک سوال کے جواب میں ملر نے کہاکہمیرے پاس اس معاملے پر بات کرنے کے لیے کوئی تفصیل نہیں ہے اور میں محکمہ انصاف سے رجوع کرنے کی تجویز دیتا ہوں۔ انہوں نے یہ بھی واضح کیا کہ سابق عہدیداروں اور عوامی شخصیات کی حفاظت کو یقینی بنانے کے لیے ضروری اقدامات کیے جائیں گے۔

میڈیا کی جانب سے ایران کے حوالے سے سوال پوچھا گیا کہ آیا پاکستان کے ذریعے ایران کو کوئی پیغام بھیجا گیا ہے، جس پر میتھیو ملر نے جواب دیا کہ یہ قانونی نوعیت کا معاملہ ہے اور اس کا حل محکمہ انصاف کے ذریعے ہی ہوگا۔ انہوں نے کہاکہیہ معاملہ محکمہ انصاف کی طرف لے جانا چاہیے اور میں اس پر مزید تفصیلات فراہم کرنے سے قاصر ہوں۔

میتھیو ملر نے ایران سے آنے والے خطرات سے متعلق بھی تبصرہ کیا اور کہا کہ امریکہ ہر ممکنہ اقدام کرے گا تاکہ اپنے شہریوں اور قومی مفادات کی حفاظت کر سکے۔ انہوں نے یہ بھی واضح کیا کہ اس معاملے پر بات چیت جاری رہے گی اور تمام ضروری اقدامات کیے جائیں گے۔