برطانیہ اور مصر نے ایران و لبنان کی فضائی حدود استعمال پر پابندی عائد کر دی

حالیہ دنوں میں خطے میں بڑھتے ہوئے تناؤ کے پیش نظر برطانیہ اور مصر نے اپنی فضائی کمپنیوں کو ایران اور لبنان کی فضائی حدود استعمال کرنے سے منع کر دیا ہے۔ 

غیر ملکی خبر ایجنسی کے مطابق حماس اور حزب اللہ کے سینئر ارکان کی شہادت کے بعد خطے میں صورتحال مزید کشیدہ ہو گئی ہے۔

اس حوالے سے برطانوی اور مصری حکام کا کہنا ہے کہ خطے میں بڑھتے ہوئے تناؤ اور ممکنہ طور پر ہونے والے کسی بھی غیر متوقع واقعے سے بچنے کے لیے یہ فیصلہ کیا گیا ہے۔ دوسری جانب ایران نے اپنی مغربی حصے کی فضائی حدود سے گریز کرنے سے متعلق ہدایت کی تردید کی ہے۔