پاکستانی اتھلیٹ ارشد ندیم کے آبائی گاؤں میں جشن کا سماں، مٹھائیاں تقسیم

پاکستان کے ارشد ندیم نے اپنی مہارت کا کمال کرتے ہوئے اولمپکس کی تاریخ میں نئے باب کا اضافہ کر دیا ساتھ ہی 40 سال بعد پاکستانیوں کے چہروں پر خوشیاں ہی خوشیاں بکھیر دیں، ارشد ندیم نے تاریخ رقم کی تو خود بھی سجدہ ریز ہوگئے اورخوشی سے آنکھیں اشکبار ہوگئیں۔

پاکستانی اتھلیٹ ارشد ندیم کے آبائی گاؤں میں جشن کا سماں بندھ گیا علاقہ مکین پھولوں کے ہار لیے ارشد ندیم کے گھر کے باہر موجود ہیں ۔

علاقہ مکینوں کا کہنا تھا کہ ارشد ندیم نے پوری پاکستانی قوم کا سر فخرسے بلند کردیا ہے اور پاکستان کو چالیس سال کے بعد جیت نصیب ہوئی ہے ۔ 

پاکستانی اتھلیٹ ارشد ندیم کی والدہ نے بیٹے کی کامیابی پر خوشی کااظہار کرتے ہوئےکہا کہ وہ اپنے بیٹے کے استقبال کیلئے پھول لے کر جائیں گی،بیٹے کی کامیابی کیلئے بہت دعائیں کی، خوشی ہے بیٹے نے ملک وقوم کا نام روشن کیا۔اتھلیٹ ارشد ندیم کی کامیابی پر ان کے گھر جشن کا سماں ،

ارشد ندیم کی والدہ کا کہنا تھا کہ پوری قوم نے میرے بیٹے کی کامیابی کیلئے دعائیں کیں ۔ بیٹے کی کامیابی پر بہت خوش ہوں، پوراپاکستان بھی خوش ہے اور اپنے بیٹے کو گلے لگانے کیلئے بے چین ہوں۔بھابھی کا کہنا تھا کہ اس مرتبہ دل کہتا تھا کہ ارشد ندیم گولڈ میڈل جیتے گا۔ میں نے اپنے گھروالوں سے کہہ دیا تھا کہ ارشد جیتے گا۔