ایران کی جانب سے ممکنہ حملہ، اسرائیل کی مدد کیلئے تیار ہیں، امریکہ

واشنگٹن:  امریکہ کے قومی سلامتی کے ترجمان جان کربی نے خبردار کیا ہے کہ ایران ممکنہ طور پر بڑے حملے کی تیاری کر رہا ہے، جس کے لیے امریکہ کو تیار رہنے کی ضرورت ہے۔ ان کا کہنا تھا کہ اسرائیل کی دفاعی صلاحیتوں پر اعتماد ہے اور امریکہ اس کے دفاع میں مدد فراہم کرنے کے لیے تیار ہے۔

اس موقع پر ایرانی پاسداران انقلاب کے ترجمان نے حماس کے رہنما اسماعیل ہانیہ کے قتل کا انتقام لینے کا عزم ظاہر کیا ہے۔ ان کے مطابق یہ اقدام ایران کی جانب سے شدید ردعمل کا نتیجہ ہے۔

اسی دوران کشیدہ صورتحال کے تناظر میں عراق سے امریکی فوج کے مکمل انخلا کا امکان بھی ظاہر کیا جا رہا ہے۔ ایرانی میڈیا کی رپورٹس کے مطابق عراقی وزیر خارجہ اگلے ہفتے واشنگٹن کا دورہ کریں گے جہاں امریکی فوج کے انخلا کا باضابطہ اعلان کیا جائے گا۔