ملک بھر میں کل سے موسلادھار بارشوں کی پیش گوئی

اسلام آباد : محکمہ موسمیات نے اگلے چند دنوں کے دوران ملک بھر میں موسلادھار بارشوں کی پیش گوئی کی ہے۔ 

رپورٹ کے مطابق مغرب، بحیرہ عرب اور خلیج بنگال سے آنے والی مون سون کی ہوائیں ملک کے بیشتر علاقوں کو متاثر کریں گی جس کے نتیجے میں اسلام آباد، پنجاب، سندھ، خیبر پختونخوا، بلوچستان، گلگت بلتستان اور کشمیر کے کئی علاقوں میں موسلادھار بارشوں کا امکان ہے۔

محکمہ موسمیات  کے مطابق 15 اگست سے سندھ کے ساحلی علاقوں میں بھی ہلکی بارشوں کی توقع ہے۔ بارشوں کے ساتھ تیز ہواؤں اور گرج چمک کا بھی امکان ہے۔ حکام نے شہریوں کو ہدایت کی ہے کہ وہ بارشوں کے دوران احتیاطی تدابیر اختیار کریں اور نشیبی علاقوں سے دور رہیں۔

اس کے علاوہ بلوچستان، گلگت بلتستان اور کشمیر کے بعض مقامات پر موسلادھار بارش کا امکان ہے۔